ރ. ވާދޫގައި ގައުމީ ބޭންކު — ބީއެމްއެލްގެ އޭޓީއެމްގެ ޚިދުމަތަށް ބުރޫއަރައިފިއެވެ.

ބޭންކު އޮފް މޯލްޑިވްސް — ބީއެމްއެލްއިން ރ. ވާދޫގައި ބަހައްޓާފައިވާ އޭޓީއެމްއިން ފައިސާ ޖަމާކުރުމާއި ފައިސާާ ނެގުމުގެ ޚިދުމަތް މިހާރު ނުލިބެއެވެ.

ވާދޫ ލައިވްގެ ނޫސްވެެރިން މިކަން ކަށަވަރުކުރުމަށް ބެލިބެލުމުން ފާހަގަވި ގޮތުގައި، އޭޓީއެމްއިން މުޢާމަލާތް ފުރިހަމަ ނުވިކަމުގައިވިޔަސް މުޢާމަލާތް ފުރިހަމަވި ކަމަށް ބުނެ ބީއެމްއެލްއިން އަންނަނީ އެކައުންޓްގެ ވެރިފަރާތަށް ޓެކްސްޓް މެސެޖު ފޮނުވަމުންނެވެ. ނަމަވެސް، އޭޓީއެމްގެ ޚިދުމަތް މެދުކެނޑުނު ކަމަށް ދޭހަވާ މެސެޖެއް މެޝިނަކުން ނުދައްކައެވެ.

ބޭންކް އޮފް މޯލްޑިވްސް އިން ”މުޅި ރާއްޖެއަށް ބީއެމްއެލް އޭޓީއެމް“ މަޝްރޫއުގެ ދަށުން ރ. ވާދޫގައި އޭޓީއެމްގެ ޚިދުމަތް ފަށާފައިވަނީ 29 ސެޕްޓެމްބަރު، 2025ގައެވެ.

މުޅި ރާއްޖެ ހިމެނޭ ބޭންކިންގ ވިއުގަޔަކާއެކު 20 އަތޮޅުގައި 42 ބްރާންޗް، 180 ސެލްފްސަރވިސް ބޭންކިންގ ސެންޓަރ، 238 އޭޓީއެމްގެ އިތުރުން އެންމެ ޒަމާނީ އޮންލައިން ބޭންކިންގ ހިދުމަތާއެކު ބޭންކް އޮފް މޯލްޑިވްސްގެ އަމާޒަކީ އާންމު ފަރުދުންނާއި ވިޔަފާރިތަކާއި ރާއްޖޭގެ އެކި ކަންކޮޅުތަކުގައިވާ މުޖުތަމައުތަކަށް އެހީތެރިކަން ފޯރުކޮށްދިނުމެވެ.