ފިތުރު ޢީދު ދުވަހުގެ ހަވީރު ކުޅެވުނު އެކުވެރިކަމުގެ ފުޓްސަލް މެޗުގައި ކައިވެނިކޮށްގެން އުޅޭ މީހުންގެ މައްޗަށް ”ސިންގަލް“ ކުދިން ކުރި ހޯދައިފި އެވެ.
ޢީދު ދުވަހުގެ ހަވީރު ރ. ވާދޫ ލައިވް އިން ވެސް ވަގުތުން ގެނެސްދިން މި މެޗުގައި ކައިވިނިކޮށްގެން އުޅޭ މީހުންގެ ޓީމަށް ޖެހުނީ 7 ލަނޑެވެ. އަދި މެޗުން މޮޅުވި ކައިވެނި ނުކޮށް (ސިންގަލްކޮށް) ތިބި ކުދިންގެ ޓީމުން ވަނީ 11 ލަނޑު ޖަހާފައެވެ.
މި މެޗު ކުޅެފައި ވަނީ ރ. ވާދޫ ސްޕޯޓްސް އެރީނާގެ ފުޓްސަލް ގްރައުންޑްގައި އެވެ. މިއީ ފިތުރު ޢީދެއް ފާހަގަ ކުރުމަށް ރ. ވާދޫގައި މި ފަދަ މެޗެއް ކުޅުނު ފުރަތަމަ ފަހަރެވެ.
ރ. ވާދޫގައި ޒަމާނީ ފުޓްސަލް ދަނޑެއް ތަރައްގީ ކޮށްފައި ވަނީ ރ. ވާދޫ ކައުންސިލުން ރައީސް ޔާމިންގެ ވެރިކަމުގައެވެ. މި ދަނޑު ތަރައްގި ކުރުމާއެކު ވާދޫގައި މި ކުޅިވަރު އަންނަނީ ދިރެމުންނެވެ.
ފިރިހެން ޓީމުތަކަކާއެކު ވާދޫގައި އަންހެނުންގެ ފުޓްސަލް ޓީމެއް ވެސް މިހާރު ވަނީ އުފެދިފައެވެ.
