ރ. ވާދޫ ސްކޫލުން، އެއް ފަހަރު ބޭނުންކޮށްފައި އުކާލާ، ޕްލާސްޓިކާ ދެކޮޅަށް ކުރަމުންދާ ހަނގުރާމައިގެ ތެރެއިން ރަށުގެ މުވައްސަސާތަކަށް ބިއްލޫރި ފެންފުޅި ހަދިޔާކޮށްފި އެވެ.
ރ. ވާދޫ ސްކޫލުން މިހާތަނަށް ބިއްލޫރި ފެންފުޅި ހަދިޔާކޮށްފައި ވަނީ، ރ. ވާދޫ މެޖިސްތްރޭޓް ކޯޓާއި، ރ. ވާޑޫ ކައުންސިލްގެ އިދާރާ އަދިި، ރ. ވާދޫ ސިއްޙީ މަރުކަޒުގެ މުވައްޒިފުންނަށެވެ. ސްކޫލުން މަޢުލޫމާތު ދޭ ގޮތުގައި ކުރިއަށް އޮތް ތަނުގައި އިތުރު މުވައްސަސާތަކަށް ބިއްލޫރު ފުޅި ހަދިޔާކުރުން ކުރިއަށްދާނެއެވެ.
އެ ގޮތުން މިއަދު ރ. ވާދޫ ފެނަކަ ގޮފީގެ މުވައްޒިފުންނަށް ފުޅި ހަދިޔާ ކުރާނެ ކަަމަށް މައުލޫމާތު ލިބިފައި ވެއެވެ.
ރ. ވާދޫ ސްކޫލަކީ އަބަދުވެސް ތިމާވެއްޓާއި ރައްޓެހި، ތިމާވެށީގެ ހައްގުގައި ގިނަ ޕްރޮގުރާމްތަކެއް ހިންގަމުންދާ ތަނެކެވެ. މި ގޮތުން، ރ. ވާދޫއަކީ ޕްލާސްޓިކާއި ބީރައްޓެހި ތަނަކަށް ހެދުމަށް ޕާލޭ މޯލްޑިވްސްއާ ގުޅިގެން ވަނީ ހަރަކާތެއް ފަށާފައެވެ. އަދި ސްކޫލްގެ ގޯތި ތެރެ ފެހި ކުރުމުގެ ހަރަކާތަކީ ވާދޫ ސްކޫލްގައި އަބަދު ވެސް ކުރިއަށް ގެންދާ ހަރަކާތެއްކަން ފާހަގަކޮށްލަމެވެ.
މިފަދަ ހަރަކާތްތަކުގައި އިސްކޮށް ހަރަކާތްތެރި ވާނީ ވާދޫ ސްކޫލްގެ ތިމާވެށި ކުލަބެވެ.
Leave a Reply