ފަންރިޔަލާއި ފޮތި ރިޔަލަުގެ ޒަމާން ގޮސްފިއެވެ. ފޯން ބިލްތަކާއި، ކަރަންޓް ބިލް، އަދި ފެން ބިލާއި އެނޫންވެސް ބިލްތައް ދައްކަން ކިއުގައި ތިބެން ޖެހޭ ޒަމާން ވެސް ގޮސްފިއެވެ. ކަނޑުމަތީގައި ވިޔަސް އެއްގަމުގައި ވިޔަސް ބިލްތައް ދައްކަން މިހާރު އުނދަގުލެއް ނޫނެވެ. އޮފީހުގައި އަވަދިނެތި އުޅެމުން ވިޔަސް، ނިދަން އަރައި އޮވެ ވިޔަސް ބިލްތައް ދެއްކޭނެ މަގު މިއަދު ފަހި ވެއްޖެއެވެ.
މި ފަސޭހަތައް ދިވެހިންނަށް ހޯދައި ދިނީ ”ފަހިޕޭ“އެވެ. 2017 ވަނަ އަހަރުގެ އޭޕްރިލް މަހު ވުޖޫދަށް އައި ފަހިޕޭ މޯބައިލް އެޕް މެދުވެރިކޮށް ފުރަތަމަ ފެށީ އޮންލައިންކޮށް ރާސްޓަސް އާއި ރީލޯޑްގެ ޚިދުމަތެވެ. ބޭނުން ވަގުތަކު، ބޭނުން ތާކު ހުރެގެންނެވެ. އާންމުުންގެ ތަރުކީބާއެކު، ހަރުފަތަކަށް ފަހު ހަރުފަތަކަށް އަރަމުން މިހާރު، ދިރާގުގެ ޕެކޭޖްތަކާއި، އުރީދޫގެ ޕެކޭޖްތައް، އަދި ދިރާގު ފޯނު ބިލާއި އުރީދޫ ފޯނު ބިލ،ް މީޑިއާ ނެޓް ބިލް، ސްޓެލްކޯ ކަރަންޓް ބިލް، ފެން ބިލް، އެމްފައިސާ އާއި ދިރާގު ޕޭ އަދި ބަލްކް އެސްއެމްއެސް ޚިދުމަތުގެ އިތުރުން، މިހާރު ފަހިޕޭ މެދުވެރިކޮށް މޯލްޑިވްސް ގޭސް އިން ގޭސްފުޅި އަށްވެސް އޯޑަރު ކުރެވޭނެއެވެ.
ނުވިތާކަށް ބިލުތައް ތާވަލުކޮށްލަންވީއެވެ. އަންނަ މަހުގެ ބިލް މި މަހު ”ޝެޑިއުލް“ ކޮށްލުމުން އެ ބޮލުގެ ރިހުން ވެސް ފިލީއެވެ. އެހާ ވެސް ފަސޭހައެވެ. އަދި އެނގޭ ހެއްޔެވެ؟ އިނގިރޭސި ނޭގުނަސް ހާސްވާކަށް ނުޖެހެއެވެ. މި އެޕް ފަރުމާކޮށްފައި ވަނީ ދިވެހިބަހުން ވެސް ބޭނުންކުރެވޭ ގޮތަށެވެ. ޕޭމަންޓް ޝެޑިއުލްކޮށްލުމުން ލިބޭ ފަސޭހައަކީ ކަސްޓަމަރު އިހްތިޔާރުކުރާ ތާރީހެއްގައި ކޮންމެ މަހަކުވެސް އޮޓަމެޓިކުން ބިލަށް ފައިސާ ދައްކާލެވުމެވެ. މިކަން ކުރުމަށްޓަކައި ފަހިޕޭގައި ބޭނުންކުރާ އެކައުންޓަށް ފައިސާ ޖަމާކުރުމަށްފަހު ބިލުތައް ދައްކަން ބޭނުންކުރާ ތާރީހު ހިޔާރުކުރުމުން ކޮންމެ މަހަކުވެސް އެ ތާރީހުގައި ފަހިޕޭ އެކައުންޓުން ބިލަށް ފައިސާ ކަނޑާނެ އެވެ.
ފަހިޕޭ އެޕްލިކޭޝަން އެޕަލް އެޕްސްޓޯ އާއި ގޫގްލް ޕްލޭސްޓޯއިންވެސް ޑައުންލޯޑު ކުރެވޭނެ އެވެ. އަދި މި އެޕްލިކޭޝަނާ ގުޅޭ އިތުރު މައުލޫމާތު ”ފަހިޕޭ“ގެ ލޭންޑް ނަމްބަރު 4007004 ގުޅާލުމުން ލިބޭނެ އެވެ.
