ޒިވިއަން ފިހާރައިގެ ފަރާތުން ރ. ވާދޫ ސްކޫލްގެ އިނާމް ދިނުމުގެ ޖަލްސާއަށް ފައިސާގެ އެހީ ދީފި އެވެ.

ވާދޫ ސްކޫލުން ބުނީ، އިނާމް ހުށައެޅުމަށް ހުޅުވާލި ފުރުސަތުގައި ޒިވިއަން އިން ދެއްވި ދީލަތި އެހީއަށް ސްކޫލްގެ ފަރާތުން ވަރަށް ހާއްސަ ޝުކުރެއް ދަންނަވާ ކަމަށެވެ.

މި ފައިސާ ހަވާލުކުރެއްވީ ޒިވިއަންގެ ފަރާތުން ވެރިޔާ އާދަމް ނަސީމްއެވެ. އަދި ރ. ވާދޫ ސްކޫލްގެ ފަރާތުން ފައިސާއާ ހަވާލުވީ ވާދޫ ސްކޫލްގެ ޕްރިންސިޕަލް އިބްރާޙިމް ނަސީމް އެވެ.

ކޮންމެ އަހަރަކު ވެސް އިނާމް ދިނުމުގެ ޖަލްސާއަށް ވާދޫގެ މުވައްސަސާތަކުން އަދި އަމިއްލަ ވިޔަފާރިތަކުން ދަނީ ސްކޫލަށް އެޙިތެރިވުމުގެ ގޮތުން އިނާމް ހުށައަޅަމުންނެވެ. މީހެ އިތުރުން އާންމު ފަރުދުން ވެސް އިނާމް ހުށައަޅާކަން ފާހަގަކޮށްލެވެއެވެ.

ވާދޫ ސްކޫލްގެ އިނާމް ދިނުމުގެ ޖަލްސާގައި ކޮންމެ އަހަރަކު ވެސް ހުރިހާ ގޮތަކުން ސްކޫލުން އެންމެ ފާހަގަކުރެވޭ ދަރިވަރުގެ އިތުރަށް، އެކިއެކި ވަނަ ވަނައަށް ދާ ދަަރިވަރުންގެ އަގު ވަޒަންކޮށް އިނާމް ދޭނެއެވެ.

އިނާމް ދިނުމުގެ ޖަލްސާ ބާއްވާނެ ވަކި ތާރީހެއް އަދި ކަނޑަނާޅައެވެ.