20 ވަނަ ރައްޔިތުންގެ މަޖިލީހުގެ މަޖިލިސް އިންތިޚާބާ ދިމާކޮށް ރ. އަލިފުށްޓަށް ގެންދިޔަ ސީއެންބިއުލާންސް އޮޕަރޭޓްނުކޮށް އެތައް ދުވަހެއްވެފައިވާކަން ރ. ވާދޫ ލައިވްއަށް އެނގިއްޖެއެވެ.

މިކަން އަލިފުށީ ޞިއްޙީ މަރުކަޒުގެ އޮފިޝަލަކު ވަނީ ކަށަވަރުކޮށްދީފައެވެ. އެ މަރުކަޒުގެ އޮފިޝަލަކު މައުލޫމާތު ދެއްވި ގޮތުގައި، އެމްބިއުލާންސްގެ ޚިދުމަތް ނުދެވި އޮންނަތާ މިހާރު ދެ މަހެއްހާ ދުވަސް ވެދާނެއެވެ. ސަބަބެއް ކަމަށް ވިދާޅުވީ ޑްރައިވަރަކު ނެތުމެވެ.

ނަމަވެސް، 28 ޖުލައި 2024 ވަނަ ދުވަހު އަލިފުށީ ޞިއްޙީ މަރުކަޒުން ވަނީ ޑްރައިވަރަކު ހޯދަން އިޢުލާންކޮށްފައެވެ. މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 4 އޮގަސްޓު 2024 ވާ އާދިއްތަ ދުވަހުގެ މެންދުރުފަހު 1:00 ގެ ކުރިން ކަމަށް އެ އިޢުލާންގައި ބުނެފައިވެއެވެ.

އަލިފުށީ ޞިއްޙީ މަރުކަޒުގެ އޮފިޝަލް ވިދާޅުވީ، އިންޓަރވިއުކުރުމުގެ މަރުހަލާ ނިންމައި، މީހަކު ނެގުމުގެ މަސައްކަތް ވަރަށް ބާރު ސްޕީޑްގައި ކުރިއަށްދާ ކަމަށެވެ. ”ލަސްނުވެ ޑްރައިވަރަކު ހަމަޖެހި ޚިދުމަތްދޭން ފެށޭނެ“ ކަމަށް އޮފިޝަލް ވިދާޅުވި ނަމަވެސް ލަފާކުރެވޭ ތާރީޚެއް ވިދާޅެއް ނުވެއެވެ.