ރ. ވާދޫ މުހައްމަދުގެ ކުރީގެ ފޮޓޯއެއް…..

މުހައްމަދު އިތުރަށް ވިދާޅުވީ ވާދޫއަކީ އާބާދީ މަދު މީހުންމަދު ރަށެއް ކަމަށާއި، އެގޮތުން މުހައްމަދުގެ ކަތީބު ކަމުގެ ފުރަތަމަ ކޮޅު، ރަށުގެ ޖުމްލަ އާބާދީ އަކީ 84 މީހުން ކަމަށެވެ. ނަމަވެސް މިހާރު ރަށުގެ އާބާދީގައި ތިބީ 600 އަށްވުރެ ގިނަ މީހުން އެބަތިބި ކަމަށެވެ.

މުހައްމަމަދު ވިދާޅުވީ ކަތީބުކަމުން ރިޓެޔާ ކުރެއްވުނު ހިސާބުން ފެށިގެން، ކައުންސިލަރުން އައްޔަން ކުރެވުނު ކަމަށެވެ. އޭގެ ފަހުން ރަށު އޮފީސް، ކައުންސިލް އިދާރާ އަކަށް ބަދަލު ކުރެވި، މަސައްކަތް ތަކަށް ވެސް ބޮޑު ބަދަލެއް އައިސްފައިވާ ކަމަށެވެ. އޭނާގެ ފަހުން ވާދޫގެ ކަތީބުކަން ދެ ބޭފުޅަކުކުރައްވާފައިވެއެވެ. އެއީ މުޙައްމަދު އިބްރާހީމް ނަސީމްއާއި އަބްދުލް ހަމީދެވެ. އޭގެ ފަހުން ރައީސުލްޖުމްހޫރިއްޔާ އައްޔަންކުރައްވާ ކައުންސިލަރުކަން އަލީ ނަސީމް ކުރެއްވިއެވެ.

ކައުންސިލުތަކުން ވެސް ރަށުގެ ތަރައްގީ އަށް ކުރަމުންދިޔަ މަސައްކަތުގެ މުހިންމު ނިންމުންތައް ނިންމުމުގައި މުޙައްމަދުގެ މަޝްވަރާ ހޯއްދެވިއެވެ. އެގޮތުން ތަރައްގީގެ ނިންމުންތައް ނިންމުމުގައި ބައިވެރިވުން ކުރީ ކައުންސިލްތަކުން ލިބުނު ކަމަށް މުހައްމަދު ވިދާޅުވިއެވެ.

މުހައްމަދު ވަނީ ވާދޫއަށް ގިނަ ހިދުމަތްތަކެއް ކޮށްދެއްވާފައެވެ. އޭނާގެ ޚިދުމަތް މިރަށުގެ މީހުން ގަބޫލުކުރަނީ އެއީ ހިންގުންތެރި ބާނީއެއްގެ ގޮތުގައެވެ.

އިތުރަށް ކިޔާލަން:

ރ. ވާދޫގައި ހުންނަ ވާދޫ ސްކޫލްގެ ތާރީޚް

ތާރީޚީ ގޮތުންބަލާއިރު، ވާދޫ ސްކޫލް އެންމެ ފުރަތަމަ ވުޖޫދުވީ އިލެމެންޓްރީ ސްކޫލެއްގެ ގޮތުގައި 1950 ވަނަ އަހަރުގައެވެ. އެގޮތުން އެންމެ ފުރަތަމަ ދަނޑިފަނުން އިމާރާތްކުރި މަދަރުސާ ޢިމާރާތްކުރީ ރ. ވާދޫ އަލިވާގެ ހުރި ބިމުގައެވެ. އެއީ ވާދޫ ޢަލީކަލޭފާނުގެ ކަތީބުކަމުގައެވެ. ރާއްޖެއަށް ކުރި ގަދަވިއްސާރައެއްގައި މި މަދަރުސާ ހަލާކުވުމުން، ދެވަވަނަ ފަހަރަށް މަދަރުސާ ޢިމާރާތްކުރެވުނީ އޭރުގެ ކާޑުގޭގެ ހުޅަނގުކޮޅުގައިއެވެ. 1960 ވަނަ އަހަރު ސުމުއްވުލް އަމީރު މުޙައްމަދު ފަރީދުގެ ރަސްކަމުގެ ދުވަސްވަރު، ވާދޫ ޗާންދަނީވިލާ މުޙައްމަދު އިބްރާހީމްގެ ކަތީބުކަމުގައި ވާދޫ ފިނިވާގޭ ހުޅަނގުގައި ތިންވަނަފަހަރަށް މަދަރުސާ ޢިމާރާތްކުރިއެވެ.

ރައީސް މައުމޫނުގެ ވެރިކަމުގައި 1979 ވަނަ އަހަރު މަދަރުސަތުލް ސަޢާދާގެ ނަމުގައި މަދަރުސާ ފުރަތަމަފަހަރަށް ރަޖިސްޓަރީކުރިއެވެ. އެ ސްކޫލްގެ ނާޒިރަކީ ޗާންދަނީވިލާ މުޙައްމަދު އިބްރާޙީމެވެ. އެއަށްފަހު 1980 ވަނައަހަރު ވާދޫ މަކުތަބުގެ ނަމުގައި މަދަރުސާ އަލުން ރަޖިސްޓަރީކުރިއެވެ. 1984 ވަނަ އަހަރު އެމެރިކާގެ ހިލޭ އެހީދޭ ޖަމިއްޔާއެއްކަމުގައިވާ އައި.ހެޕް ގެ ފަރާތުން 3 ކްލާސްރޫމްގެ އިމާރާތައް ބޭނުންވާތަކެއްޗާއި ކޮންސަލްޓޭޝަން ފޯރޮކޮށްދެއްވުމުން މުޅި ޢިމާތާރުގެ މަސްއަކަތްކުރެއްވީ ވާދޫ ރައްޔިތުންނެވެ. މި ޢިމާރާތުގެ ބިންގާ އަޅުއްވައިދެއްވެވީ ކަތީބް އަދި ނާޒިރު، މުޙައްމަދު އިބްރާޙީމެވެ.

މި ޢިމާރަތްކުރެވުނީ ފިނިވާގޭ އިރުމަތީން އޮތް، ވާދޫ ނޫރާނީގެ ޔޫނުސްއާދަމަށް ދޫކުރެވިފައިވާ ބިން ރަށު އޮފީހުގެ ބޭނުްމަށް ނެގުމަށްފަހުގައެވެ. 1990 އަހަރުތަކުގައި ސްކޫލުގައި އެކި ގްރޭޑްތައް އުފެދެމުން 1999 ވަނަ އަހަރު މުޅީން އަލަށް ގްރޭޑް 7 ތަޢާރަފްކުރެވި އިނގިރޭސި މީޑިއަމަށް ބައެއް މާއްދާތައް ބަދަލުކުރެވުނެވެ. އަދި 2005 ވަނަ އަހަރު ސަރުކާރު ސްކޫލަކަށް ވާދޫ ސްކޫލް ބަދަލުވެގެން ދިޔައެވެ.

2006ވަނަ އަހަރު ގްރޭޑް 8 އުފެދި 2008 ވަނަ އަހަރު ފުރަތަމަ ފަހަރަށް ރަށުގައި ތިބެގެން ވާދޫގެ ކިޔަވާކުދިން ކޭމްބްރިޖް އިންޓަރނޭޝަނަލް އިމްތިހާނު ހެދިއެވެ. މުދައްރިސުންނާއި ސްކޫލު ހިންގެވި އެކި ބޭފުޅުންނަށް ބަލާއިރު، މި ސްކޫލުގެ ފުރަތަމަ ޕްރައިމަރީ ޓީޗަރަކީ ރ. ވަދޫ ޢަލިވާގޭ އަހުމަދު ދާއޫދެވެ. ފުރަތަމަ ސުޕަރވައިޒަރަކީ ބ. ދަރަވަންދޫ ވައިމަތީގޭ އައިމިނަތު ރަޝީދާއެވެ. ފުރަތަމަ އެކްޓިން ހެޑްމާސްޓަރަކީ ނ. ކުޑަފަރީ ވާދީ ލީލާ މުޙައްމަދެވެ. އެންމެ ފުރަތަމަ ހެޑްމާސްޓަ ކަމާއި، އެސިސްޓެންޓް ޕްރިންސިޕަލްކަމާއި، ޑެޕިއުޓީ ޕްރިންސިޕަލް ކަމާއި ޕްރިންސިޕަލްގެ މަގާމް އަދާކުރެއްވީ ރ. ވާދޫ ނޫރާނީގޭ އިސްމާޢީލް ނަސީރެވެ.

އިތުރަށް ކިޔާލަން:

ދިވެހި ދައުލަތަށް ޚިދުމަތް ކުރުމުގެ އިނާމު – 2023

މުޙައްމަދު އިބްރާހީމަކީ، އުފަން ރަށް، ރ. ވާދޫގެ ވެރިކަމުގެ މަގާމުގައި ހުންނަވައިގެން، އެ ރަށަށް ވަރަށް އިޚުލާޞްތެރި ޚިދުމަތްތަކެއް ކުރެއްވި ބޭފުޅެކެވެ. 22 ޖޫން 1958 ގައި ދައުލަތުގެ ޚިދުމަތް ފެށްޓެވީ، ރ.ވާދޫ މުދިމު ކަމުގެ ވަޒީފާއިންނެވެ. އޭގެފަހުން، ރ. ވާދޫ ކަތީބު ކަމަށް ހަމަޖެއްސެވީ، 18 މޭ 1959 ގައެވެ. މުޙައްމަދު އިބްރާހީމް ވާދޫ ކަތީބުކަން، 40 އަހަރަށްވުރެ ދިގު މުއްދަތެއްގައި ކުރައްވައިފައި ވެއެވެ. ފުރަތަމަ ޕެންޝަން 22 ޖޫން 1978 ގައި ލިބިވަޑައިގެންނެވިއިރު އަދި ދެވަނަ ޕެންޝަން 22 ޖޫން 1998 ގައި ލިބިވަޑައިގެންނެވިއިރުވެސް ހުންނެވީ ކަތީބު ކަމުގައެވެ.

މުޙައްމަދު އިބްރާހީމަކީ، ކަތީބު ކަމުގެ މަގާމުގައި ހުންނަވައިގެން، ވާދޫގެ ތަރައްޤީއަށްޓަކައި ގިނަގުނަ މަސައްކަތްތަކެއް ކުރެއްވި ބޭފުޅެކެވެ. ކަތީބު ކަމުގެ މަގާމު ދެއްވުމާ ގުޅިގެން، މުޙައްމަދު އިބްރާހީމް އެންމެ ބޮޑަށް މަސައްކަތްޕުޅު ކުރެއްވީ، ރައްޔިތުންގެ އާންމު ދިރިއުޅުމުގެ ޙާލަތު ރަނގަޅު ކުރެއްވުމަށެވެ. އެ ވަގުތަކު ރަށަށް ބޭނުންވެފައިވާ އެންމެ މުހިންމު ކަންކަން، އެ ވަގުތަކު ހަމަޖެއްސެވެން އޮތް ގޮތަކަށް ހަމަޖައްސަވައި ދެއްވަމުން ގެންދެވިއެވެ. އަދި ރައްޔިތުންގެ އަޑު އައްސަވައި، ރައްޔިތުންނާ ގުޅިގެން ކުރެއްވި މަސައްކަތްތަކުގެ ސަބަބުން، ރަށުގެ ރައްޔިތުންގެ ހިތްތަކުގައި މުޙައްމަދު އިބްރާހީމާ މެދު އުފެދިފައިވާ އިތުބާރަކީ، ޚާއްޞަގޮތެއްގައި ފާހަގަކޮށްލަންޖެހޭ ކަމެކެވެ. އެހާ ގިނަ ދުވަހު މުޙައްމަދު އިބްރާހީމަށް ކަތީބު ކަމުގައި ހުންނަވައިގެން ރަށަށް ޚިދުމަތް ކޮށްދެއްވުނީ، ރައްޔިތުންގެ ފުރިހަމަ އިތުބާރު އޮތުމުން ކަމަށް މުޙައްމަދު އިބްރާހީމް ދެކެވަޑައިގަންނަވައެވެ.

13 ސެޕްޓެންބަރު 2000 ގައި ވާދޫ ކަތީބު ކަމުން ރ. އަތޮޅު އަތޮޅުއޮފީހުގެ އެހީތެރިޔާގެ މަގާމަށް މުޙައްމަދު އިބްރާހީމް ބަދަލުކުރެއްވިއެވެ. 1 މޭ 2008 ގައި ވަޒީފާއިން ރިޓަޔަރ ކުރެއްވިއިރު، 49 އަހަރާއި 10 މަހަށްވުރެ ދިގު މުއްދަތެއްގައި ވަނީ ދައުލަތަށް ޚިދުމަތް ކުރައްވައިފައެވެ. އޭރު ހުންނެވީ، ރ. އަތޮޅު އަތޮޅުއޮފީހުގެ އެހީތެރިޔާގެ މަގާމުގައެވެ.

ޚިދުމަތުގެެ އަގުވަޒަންކުރުމުގެ ގޮތުން ސަރުކާރުންވަނީ އޭނާއަށް ދިވެހި ދައުލަތަށް ޚިދުމަތް ކުރުމުގެ އިނާމު 2023ވަނަ އަހަރު ދެއްވާފައެވެ.