ދައުލަތުގެ ޚަރަދުތައް ކުޑަކުރުމަށް އަދި ޚާއްސަކޮށް ރިކަރަންޓް ޚަރަދުތައް ކުޑަކުރުމަށް ގިނަ ފިޔަވަޅުތަކެއް އެޅުމަށް ނިންމަވާފައިވާކަން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހާމަކުރައްވައިފިއެވެ.

ރައީސުލްޖުމްހޫރިއްޔާ މިކަން ހާމަކުރައްވާފައި ވަނީ މީސްމީޑިޔާގައި ރޭ ކުރެއްވި ޕޯސްޓެއްގައެވެ.

ދައުލަތުގެ ޚަރަދުތައް ކުޑަކުރުމަށް އަޅުއްވާ ފިޔަވަޅުތަކުގެ ތެރޭގައި ސިޔާސީ މަޤާމުތައް މަދުކުރުމާއި، އެކި މުނާސަބަތުތަކުގައި ބާއްވާ ޙަފުލާތަކަށް ކުރާ ޚަރަދުތައް ކުޑަކުރުން ނުވަތަ ނުބޭއްވުން ހިމެނޭކަމުގައި ރައީސުލްހުމްހޫރިއްޔާ ވިދާޅުވެފައި ވެއެވެ.

އެގޮތުން ކުރިޔަށް އޮތް މިނިވަން ދުވަހު ފުޅަނދުބުރާއި، ކުޅިވަރުތަކާއި ރިޝެޕްޝަން ފަދަ ކަންކަން ނުބޭއްވުމަށާއި، މިނިވަން ދުވަސް ފާހަގަކުރުމަށް ހަމައެކަނި ޖަލްސާއެއް ބާއްވައި ޚަރަދުތައް އެތައް ގުނައަކުން ކުޑަކުރުމަށް ކަމާބެހޭ ފަރާތްތަކަށް އަންގަވާފައިވާކަމުގައި ވެސް ރައީސުލްޖުމްހޫރިއްޔާ ވިދާޅުވެފައިވެއެވެ.

މީގެ އިތުރުން ވެސް ގިނަ ފިޔަވަޅުތަކެއް ކުރިޔަށް އޮތް ދުވަސްތަކުގައި އަޅުއްވާނެކަމުގައި ރައީސުލްޖުމްހޫރިއްޔާ ވިދާޅުވެފައި ވެއެވެ.

ދިވެހިރާއްޖޭގެ ޢަސްކަރީ ޤާބިލުކަން އިތުރުކުރުމަށް ތުރުކީވިލާތުގެ ރައީސް ރަޖަބް ޠައްޔިބް އުރްދުޣާން ދެއްވަމުން ގެންދަވާ އެހީތެރިކަމަށްޓަކައި ރައީސުލްޖުމްހޫރިއްޔާ އަދި ސިފައިންގެ އެންމެމަތީ ވެރިޔާ ޑޮކްޓަރ މުޙައްމަދު މުޢިއްޒު، ޝުކުރު އަދާކުރައްވައިފިއެވެ.

ތުރުކީވިލާތުގެ ރައީސަށް ރައީސުލްޖުމްހޫރިއްޔާ ޝުކުރު އަދާކުރެއްވީ މާފަރު އިންޓަރނޭޝަނަލް އެއަރޕޯޓުގައި މިރޭ ދިވެހިރާއްޖޭގެ ޤައުމީ ދިފާޢީ ބާރުގެ އެއަރ ކޯރ އަދި އަންމޭންޑް އޭރިއަލް ވެހިކަލްސް އިފުތިތާޙުކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

ރާއްޖޭގައި ފުރަތަމަ ފަހަރަށް ޔޫ.އޭ.ވީ މެދުވެރިކޮށް ކަނޑުގެ ސަރަހައްދު ބެލެހެއްޓުމުގެ މަސައްކަތް ފެށިގެންދިއުމަށް އިޝާރާތްކުރައްވައި ރައީސުލްޖުމްހޫރިއްޔާ ވިދާޅުވީ މިކަމުގައި އެންމެ ބޮޑު އެއްބާރުލެއްވުމެއް ދެއްވީ ތުރުކީވިލާތުގެ ރައީސްކަމުގައެވެ. ރައީސުލްޖުމްހޫރިއްޔާ ވިދާޅުވީ މިހާރު ތިން ޔޫ.އޭ.ވީ އޮތް ނަމަވެސް ތުރުކީއާ ރާއްޖެއާ އޮތް ގާތްކަމުގެ ތެރެއިން މުސްތަޤުބަލުގައި އުޅަނދުތައް އިތުރުކުރެވިގެންދާނެކަމަށާ، އަދި މީގެ ތެރެއިން ގިނަ އާލާތްތަކަކީ މި ގާތްކަމުގެ ތެރެއިން ރާއްޖެއަށް ހިލޭ ހަދިޔާކުރައްވާފައިވާ ތަކެތި ކަމުގައެވެ.

މީގެ އިތުރުން ކޯސްޓުގާޑަށް އެކި ސައިޒުތަކުގެ އުޅަނދުތައް ހޯދައި ކޯސްޓުގާޑުގެ ގާބިލުކަން މިހާރަށްވުރެ ދެގުނަ ބޮޑުކުރުމަށް ކުރެވޭ މަސައްކަތާއި އަދި ދިވެހި އަސްކަރިއްޔާގެ ޤާބިލުކަން އިތުރުކުރުމަށް ބޭނުންވާ ކަންކަންކުރުމަށްޓަކައި ތުރުކީވިލާތުގެ އިތުރުން އެކުވެރި ބައެއް ޤައުމުތަކާއެކު މުޢާމަލާތްތައް ކުރެވެމުންދާކަން ވެސް ރައީސުލްޖުމްހޫރިއްޔާގެ ވާހަކަފުޅުފައި ފާހަގަކުރެއްވިއެވެ.

20 ވަނަ ރައްޔިތުންގެ މަޖިލީހަށް ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ފަރާތުން ވާދަކުރާނެ ކެންޑިޑޭޓުން ހޮވުމަށް އެޕާޓީން ބާއްވާ މަޖިލިސް ޕްރައިމަރީ ފެބްރުއަރީމަހުގެ ތިނެއްގައި ބޭއްވުމަށް ނިންމައި ވޯޓު ލެވޭ މީހުންގެ ދާއިމީ ލިސްޓު އާންމުކޮށްފިއެވެ.

އެމްޑީޕީން މިހާރު ވަނީ އެ ޕާޓީން ޕްރައިމަރީ ބާއްވަންޖެހޭ ދާއިރާތަކާއި، އެދާއިރާތަކަށް ކުރިމަތިލި ކެންޑިޑޭޓުންގެ ނަންތައް އާންމުކޮށްފައެވެ.

އެމްޑީޕީގެ ޕްރައިމަރީގައި ކުރިމަތިލުމަށް ހުޅުވާލީ މިދިޔަ ޑިސެމްބަރުމަހުގެ 16 ވަނަ ދުވަހުގައެވެ.

ޑިސެމްބަރުމަހުގެ 25 ވަނަ ދުވަހާ ހަމައަށް ހުޅުވާލި އެ ފުރުސަތުގައި ކުރިމަތިލި މީހުންގެ ތެރެއިން 36 މީހަކު ވަނީ ޕްރައިމަރީގައި ވާދަކުރަން ނުޖެހި ޓިކެޓް ކަށަވަރުކޮށްފައެވެ. އެއީ އެ ދާއިރާތަކަށް އިތުރު މީހަކު ކުރިމަތިނުލާތީއެވެ.

މީގެ ކުރިން އެމްޑީޕީން ބުނެފައި އޮތީ ޕްރައިމަރީ ބާއްވާނީ މިހިނގާ ޖެނުއަރީމަހުގެ ތެރޭގައި ކަމަށެވެ.

20 ވަނަ ރައްޔިތުންގެ މަޖިލިސް އިންތިޚާބު ބާއްވަން ހަމަޖެހިފައި ވަނީ އަންނަ މާރިޗު މަހުގެ 17 ވަނަ ދުވަހުގައެވެ.

މިހާރު މިއޮތް 19 ވަނަ ރައްޔިތުންގެ މަޖިލީހަކީ އެމްޑީޕީގެ ތާރީޚުގައި ވެސް އެ ޕާޓީއަށް އެންމެ ބޮޑު އަގުލަބިއްޔަތެއް ލިބުނު މަޖިލީހެވެ.

އެންމެ ފަހުން ބޭއްވި ރިޔާސީ އިންތިޚާބު އެމްޑީޕީއަށް ނާކާމިޔާބު ވެފައިވާއިރު ސިޔާސީ ގޮތުން ބާރުވެރިވުމަށް މަޖިލީހުގެ ގިނަ ގޮނޑިތަކެއް އެ ޕާޓީން ކާމިޔާބުކުރަންޖެހެއެވެ.

ރ. ވާދޫ ކައުންސިލަށް ދެ ކައުންސިލް އެސިސްޓަންޓުން ހޯދަން ބޭނުންވެގެން، އެކަމަށް ޝައުގުވެރިވާ ފަރާތްތަކުން ވަޒީފާއަށް އެދި ކުރިމަތިލުމަށް މާޅޮސްމަޑުލު އުތުރުބުރީ ވާދޫ ކައުންސިލްގެ އިދާރާއިން އިއުލާންކޮށްފިއެވެ.

މަގާމުގެ ވާޖިބުތަކާއި މަސްއޫލިއްޔަތުތައް:

1. ކައުންސިލުން ފާސްކުރާ ނިންމުންތައް ތަންފީޒުކުރުމަށް ފުރިހަމައަށް އެއްބާރުލުންދީ، އެފަދަ ނިންމުންތައް ތަންފީޒުކުރުމުގައި އިދާރީގޮތުން ކުރަންޖެހޭ އެންމެހައި ކަންތައް ސެކްރެޓަރީ ޖެނަރަލްގެ ނުވަތަ ސުޕަވައިޒަރުގެ ލަފަޔާ އިރުޝާދުގެ މަތިން ކުރުން.
2. ކައުންސިލްގެ އިދާރާގެ މަސައްކަތްތަކާއި ކައުންސިލްގެ ނިންމުންތައް ތަންފީޒުކުރުމާގުޅޭ އެންމެހައި ކަންކަމުގައި ކައުންސިލަށާއި ސެކްރެޓަރީ ޖެނެރަލަށް ފުރިހަމައަށް ޖަވާބުދާރީވުން.
3. ވާދޫ ކުނިކޮށި ސާފުތާހިރުކޮށް ބެލެހެއްޓުން.
4. ކުނިވާޒާތުގެ ކާބޯތަކެތިން އުފެދޭ ކުންޏާއި ފަތުކުނި ބޭނުންކޮށްގެން ކާދު އުފެއްދުން.
5. ކުނި އުކަންއަންނަ ފަރާތްތަކަށް ކުނިއުކުމުގައި އެހީތެރިކަން ފޯރުކޮށްދިނުން.
6. ރަށުތެރޭގައި ބަހައްޓާފައިވާ ޑަސްބިންތައް ކޮންމެ ދުވަހަކު ކުނިކޮށްޓަށް ގެންގޮސް ހުސްކުރުމަށްފަހު، ދޮވެ ސާފުކޮށް އަލުން އެސަރަހައްދުތަކުގައި ބެހެއްޓުން
   ކުނި އުފުލުމަށް ގެންގުޅޭ ވެހިކަލްތައް ދުއްވުން.
7. ކުނިއުކުމަށް ގެންގުޅޭ ވެހިކަލްތަކާއި އަދި އެހެނިހެން ޓޫލްސްތައް ސާފުތާހިރުކޮށް ބެލެހެއްޓުން.
8. ރަށުން ކުނި ބޭރުކުރާ ހާލަތްތަކުގައި ކުނި ނެގުމާއި ގެންދިޔުމުގައި އެހީތެރިކަން ފޯރުކޮށްދިނުން.
9. ގޭގެއިން ކުނި ނެގުމަށް ކައުންސިލުން ހަމަޖައްސާ ހާލަތުގައި އަމަލީގޮތުން ހަރަކާތްތެރިވުން.
10. ކުނިކޮށީގައި ކުނި ނައްތާލުމަށް އަންގާ ގޮތެއްގެމަތިން ކުނި ނައްތާލުމުގައި ހަރަކާތްތެރިވުން.
11. ކުނީގެ ތަފާސް ހިސާބުބެލެހެއްޓުން.
12. ކުނިކޮށްޓަކީ އާންމުނަށާއި މުވައްޒަފުންނަށް ރައްކާތެރި ތަނެއްކަމުގައި ހެދުމަށް މަސައްކަތްކުރުން.
13. ރަށުތެރެ ސާފުކުރުމަށް ހިންގާ ހަރަކާތްތަކާއި ކައުންސިލުން ކަނޑައަޅާ ކަންކަމުގައި ހަރަކާތްތެރިވުން.
14. ކައުންސިލްގެ މަސައްކަތްތައް ކުރުމުގައި އެހީތެރިކަމާއި އެއްބާރުލުންދީ އަމަލީގޮތުން ބައިވެރިވުން، އަދި މުވައްޒަފުން ޙާޒިރު ނުވާ ހާލަތްތަކުގައި ސެކްޝަންގެ މަސައްކަތްތައް ހުއްޓުމެއްނެތި ކުރިއަށް ގެންދިޔުމުގައި ކުރަންޖެހޭ ކަންކަންކުރުން.
15. ކައުންސިލުން ކުރިޔަށް ގެންދާ ހާއްސަ މަސައްކަތްތަކުގައި ބައިވެރިވުމާއި އޮފީހުގެ މަސައްކަތުގެ ދާއިރާގެ ތެރެއިން ޙަވާލުކުރެވޭ އެހެނިހެން ކަންކަންކުރުން

ހުށަޙަޅަންޖެހޭ ލިޔެކިޔުންތައް:

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި ވާދޫ ކައުންސިލްގެ އިދާރާގެ ވެބްސައިޓުންނާއި ކައުންޓަރުން ލިބޭނެ.)
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛
(ހ) މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

(ށ) ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

6. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:
(ހ) ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ) ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ) އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ) ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ) ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ ”އުވާލާފައިވާ ތަންތަނުގެ ތަޖުރިބާ އަންގައިދޭ ރެފަރެންސް ޗެކްފޯމް“.

ވާދޫ ކައުންސިލުން ބުނީ، މިމަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 20 ޑިސެމްބަރ 2023 ގެ 12:00 ގެ ކުރިން، މާޅޮސްމަޑުލު އުތުރުބުރީ ވާދޫ ކައުންސިލްގެ އިދާރާ އަށް ކަމަށެވެ. ވަޒީފާއަށް އެދޭ ފޯމާއި ލިޔުންތައް އީ-މެއިލް hr@vaadhoo.gov.mv މެދުވެރިކޮށް ވެސް ބަލައިގަންނާނެ ކަމަށެވެ.

ޒުވާނުންގެ ރުއްގަނޑު ކުށްޔަށް ދޫކުރުމަށް ރ. ވާދޫ ސްކޫލުން އިޢުލާންކޮށްފިއެވެ.

ވާދޫ ސްކޫލުން ކުރި އިޢުލާނެއްގައި ބުނީ، އެ ސްކޫލްގެ ޕީ.ޓީ.އޭއިން ބަލަހައްޓަމުންދާ ޒުވާނުންގެ ރުއްގަނޑު އެއް އަހަރު ދުވަހުގެ މުއްދަތަށް ކުށްޔަށް ދޫކުރަން ނިންމާފައިވާ ކަމަށެވެ. ޒުވާނުންގެ ރުއްގަނޑު ކުށްޔަށް ދޫކުރާނީ ބީލަން އުސޫލުން އެންމެ މަތީ އަގެއް ހުށަހަޅާ ފަރާތަކަށް ކަމަށްވެސް އެ އިޢުލާންގައި ވަނީ ބުނެފައެވެ.

އެހެންކަމުން މިކަމަށް ޝައުގުވެރިވާ ފަރާތްތަކުން މިހިނގާ މަހުގެ 11 ވަނަ ދުވަހުގެ 11:00ގެ ކުރިން ސްކޫލަށް ހާޒިރުވެ އަގު ބަޔާންކުރާ ސިޓީ ހުށަހެޅުމަށް ވާދޫ ސްކޫލުން ވަނީ އެދިފައެވެ.

ސިޓީ ކަރުދާސް ބަންދުކުރެވިފައިވާ އުރައިގެ ބޭރުގައި ”ޒުވާނުންގެ ރުއްގަނޑު ކުށްޔަށް ހިފުމަށް އެދި“ މިފަދައިން ލިޔެފައި އޮންނަން ވާނޭ ކަމަށް ވެސް ވާދޫ ސްކޫލުންވަނީ ބުނެފައެވެ.

ރ. ވާދޫން ވޭތުވެދިޔަ 24 ގަޑިއިރުގެ ދެ މީހަކު ކޮވިޑް-19 ބަލިން ފަސޭހަވެއްޖެއެވެ.

ރ. ވާދޫ ސިއްޙީ މަރުކަޒުގެ އޮފިޝަލަކު މަޢުލޫމާތު ދެއްވި ގޮތުގައި، ވޭތުވެދިޔަ 24 ގަޑިއިރުގެ ވާދޫން ދެ މީހަކު ކޮވިޑް-19 ބަލިން ފަސޭހަވެ، އިތުރު މީހަކަށް ބަލިޖެހިފައި ވެއެވެ.

މިއާއެކު، އެކްޓިވް ކޭސްތަކުގެ ޢަދަދު ވަނީ 10ށް ވެއްޓިފައެވެ.

މިހާތަނަށް ވާދޫން ނެގި ހުރިހާ ސާމްޕަލެއްގެ ނަތީޖާ ލިބިފައިވާއިރު، އަންނަ ހޮނިހިރު ދުވަހު، ބަލިޖެހިގެން އެކަހެރިކުރެވުނު [ކަރަންޓީން ކުރެވުނު] ގިނަ ބައެއްގެ ކަރަންޓީން މުއްދަތު ހަމަވެ، ކަރަންޓީނުން ދޫކޮށްލެވޭނެ ކަމަށް ބެލެވެއެވެ.

ި

ރ. ވާދޫގައި ދެ ވަނަ ހިނަވާގެއެއް އެޅުމުގެ މަސައްކަތް ކުރިއަށް އެބަ ދެއެވެ.

މި ހިނަވާގެއަކީ ސަރުކާރުން ވާދޫގައި އިމާރާތްކުރާ ހުކުރު މިސްކިތުގެ މަޝްރޫއާ ހަވާާލުވި ކުންފުނި ހައިމަން ކޮންސްޓްރަކްޝަނުން އެ ކުންފުނީގެ އިޖްތިމާޢީ ޒިންމާގެ ދަށުން ވާދޫ ރައްޔިތުންނަށް އަޅައިދޭ ތަނެކެވެ.

މަޢުލޫމާތު ލިބޭ ގޮތުގައި، ވާދޫ ސަހަރާގެ ހުޅަނގުއުތުރު ކަނުގައި، ޣާޒީ މަގަށް ވާ ގޮތަށް، އަލަށް އިމާރާތްކުރެވޭ މި ހިނަވާގޭގައި، ހިނަވައިކަފުންކުރާނެ ކޮޓާރިއެއްގެ އިތުރުން، ފާހާނާ އާއި އިންޑޯ އަދި އައުޓްޑޯ ވެއިޓިން އޭރިއާއެއް ހުންނާނެއެވެ. މީގެ އިތުރުން، އެ ތަނުގައި ގުދަނެއް ވެސް ހުންނާނެއެވެ.

ވާދޫގައިި މިހާރު ވެސް ޒަމާނީ ހިނަވާގެއެއް ހުރެއެވެ.

އެތަން ހުންނަނީ ވާދޫ ހުކުރު މިސްކިތް މަސްޖިދުލް ސަމާހާގެ ގޯތިތެރޭގައި އިރުއުތުރު ކަނުގައެވެ.

ވާދޫގެ ދެކުނު އަވަށުގައި އަަލަށް އިމާރާތްކުރާ ވާދޫގެ ދެ ވަނަ ހުކުރު މިސްކިތުގެ މަސައްކަތް ވެސް މިހާރު އަންނަނީ ނިމެމުންނެވެ.

ރ. ވާދޫ ހުކުރު މިސްކިތުގައި ހުރި ހިނަވާގެ — ފޮޓޯ: ރ. ވާދޫ ލައިވް

ބެލެވޭ ގޮތުގައި އަންނަ ރޯދައަށް އެ މިސްކިތް ރަސްމީކޮށް ހުޅުވޭނެއެވެ.

ވާދޫގައި މިސްކިތެއް އެޅުމަށް އެންމެ ފުރަތަމަ ވަޢުދުވީ ކުރީގެ ރައީސް އަބްދުﷲ ޔާމީންގެ ސަރުކާރުންނެވެ.

ނަމަވެސް، އެ މަޝްރޫޢު ޔާމިންގެ ސަރުކާރުން ފަށާފައެއް ނުވެއެވެ.

ރ. ވާދޫ ސްކޫލަށް ވާދޫ ސްކޫލް، ޕްރީ ސްކޫލް ޓިޗަރެއް (ރިލީފް ޓީޗަރެއް) ހޯދުމަށް އިޢުލާންކޮށްފިއެވެ.

ވާދޫ ސްކޫލުން ބުނީ، ކޮންޓްރެކްޓް އުސޫލުން ވަޒީފާއަށް ހަމަޖެހޭ ތާރީހުން ފެށިގެން 2022 ޖޫން 10ގެ ނިޔަލަށް ވާދޫ ސްކޫލްގައި ކިޔަވައިދޭނެ ޕްރީސްކޫލް ޓީޗަރަކު ބޭނުންވާ ކަމަށެވެ.

ވާދޫ ސްކޫލްގައި އަދާކުރަންޖެހޭ މި ވަޒީފާގެ މުސާރައަކީ މަހަކު /4500 ރުފިޔާއާއި -/6090 ރުފިޔާއާއި ދެމެދުގެ އަދަދެކެވެ.

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 18 ޖެނުއަރީ 2022ވާ އަންގާރަ ދުވަހުގެ 14:00ގެ ކުރިން، ވާދޫ ސުކޫލަށެވެ.

ހުށައަޅަންޖެހޭ ތަކެތި:

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި އިދާރާގެ ކައުންޓަރުން ލިބެންހުންނާނެއެވެ.)
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
3. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
4. ލިބިފައިވާ ހުރިހާ ތަޢުލީމީ ސެޓިފިކެޓް ތަކުގެ ކޮޕީ.