އެކިއެކި ބޭނުންތަކަށް ރ.ވާދޫން އަތޮޅުގެ ވެރިރަށް ރ. އުނގޫފާރަށް ދަތުރުކުރި 85 މީހުން ގޭގައި އެކަހެރި ކުރެވިފައިވާ ކަމަށް ވާދޫ ސިއްހީ މަރުކަޒުން ބުނެފިއެވެ.

އެ މަރުކަޒުން ބުނި ގޮތުގައި، މާރިޗު މަހުގެ 2 ވަނަ ދުވަހު ފެށިގެން އިއްޔެއާ ހަމައަށް ރ. ވާދޫން އުނގޫފާރަށް ދަތުރުކުރެއްވެވި 85 ފަރާތެއް ވަނީ ގޭގައި އެކަހެރި ކުރެވިފައެވެ.

އެ 85 މީހުންގެ ތެރެއިން 10 ދުވަސް ވެފައިވާ 15 ފަރާތެއްގެ ސުންކު މިހާރު ނެގިފައިވާ ކަމަށް އެ މަރުކަޒުން ބުނެއެވެ.

”02 މާރިޗު 2021 ފެށިގެން އިއްޔެގެ ނިޔަލަށް ރ.ވާދޫއިން ރ. އުނގޫފާރަށް ދަތުރުކުރެއްވެވި 85 ފަރާތެއް ވަނީ ގޭގައި އެކަހެރި ކުރެވިފައެވެ. އަދި މިފަރާތްތަކުގެ ތެރެއިން 10 ދުވަސް ވެފައިވާ 15 ފަރާތެއްގެ ސުންކު ވަނީ ނެގިފައެވެ. ވީމާ މިކަން އެންމެހާ ފަރާތްތަކުގެ މަޢުލޫމާތަށްޓަކައި ދެންނެވީމެވެ.“ ވާދޫ ސިއްހީ މަރުކަޒުން ބުންޏެވެ.

މީގެ އިތުރުން، 2021 މާރިޗު 20 ވަނަ ދުވަހު ރ. ވާދޫ، “ ސާކު“ން ކޯވިޑް-19ށް ތަހުލީލުކުރުމަށް ކުރުމަށް ނެގުނު 1 ސުންކު ބައްޔަށް ނައްސިވެފައި ވާތީ އޭނާ ވަނީ ކަރަންޓީނުން ދޫކޮށްލެވިފައެވެ.