ކޮންމެ އަހަރެްގެ ވެސް އަލްޙާ ޢީދުގައި އެންމެ ފޯރިގަދަ އެއް ހަރަކާތަކީ ”މާލި ޕެރޭޑް“ ނުވަތަ ”ޖަންގަލް ޕެރޭޑް“ އެވެ. އެ ގޮތުން މި އަހަރުގެ އިދުގައި ވެސް މި ވަނީ މި ހަރަކާތް ފޯރިގަދަކޮށް ކުރިއަށް ގެންގޮސްފައެވެ.
މިރޭ ކުރިއަށް ދިޔަ ”މާލި ޕެރޭޑް“ގައި ތަފާތު ވައްތަރުގެ އަންހެން އަދި ފިރިހެން މާލި ފެނިގެން ދިޔައެެވެ. އަންހެން މާލި ހެއްދުން ކުރިއަށް ދިޔައީ ފޭރުމާގޭގައެވެ. އެއީ މީގެ ކުރިން ވެސް އަންހެންވެރިން މާލި ހެއްދާ އެއް ތަނެވެ،
ފިރިހެން މާލިތައް ހައްދާފައި ވަނީ ”ރެދަން ބީޗް“ ސަރަހައްދުގައެވެ. މާލި ނެރިފައި ވަނީ މިރޭ 09:00ގަ އެވެ.
މި ހަރަކާތް ނިންމާލާފައި ވަނީ ވާދޫ ބަނދަރު ސަރަހައްދުންނެވެ.
ވާދޫގައި ފަހަކަށް އައިސް މާލި ނެރެނީ ވަޅު ޢީދު ދުވަހުގެ ރޭގައެވެ. ނަމަވެސް މާޒީއަށް ބަލާއިރު ޢީދު ނަމާދާއި ހެނދުނުގެ ނާސްތާއަށް ފަހު ރަށު ތެރޭން އެކި ވައްތަރުގެ މާލި ފެންނާނެއެވެ. ނަމަވެސް މިހާރު އޮންނަ ގޮތަކީ ވަކި ވަގުތެއްގައި މާލި ނެރުމެވެ،
ވާދުގައި އާންމުކޮށް ކުރިއަށް ގެންދާ ޢީދު ހަރަކާތްތަކުގެ ތެރޭގައި ކޯޑި ކުޅުމާއި ތަކުރު ނެރުން، ސްޓޭޖް ޝޯ، ވާ ދެމުން އަދި ގެވެހި ރޭސްގެ އިތުރުން މާލި ނެރުން ހިމެނެއެވެ.
