މި އަހަރުގެ އަލްހާ ޢީދުގައި ކޯޑި ފަންގަނޑު ރުކަށް ނެގިތާ މާ އިރުތަކެއް ނުވެ ކަނޑާލައިފި އެވެ.
ކޯޑި ފަންގަނޑު ކަނޑާލާފައި ވަނީ ފަންގަނޑު ރުކަށް ނަގަން ދިޔަ މީހުންގެ ހާޒިރުގައި، ވާދޫ ކައުންސިލްގެ ކުރީގެ ނައިބު ރައީސް އަހުމަދު ފިރާގުއެވެ. އޭނާ ފަންގަނޑު ކަނޑާލީ ރުކަށް ނެގިތާ ގާތްގަނޑަކަށް 5 ވަރަކަށް މިނިޓު ފަހުންނެވެ. އެހެންކަމުން އަހުމަދު ވެގެންދާނީ މި އަހަރުގެ ”ތަކުރަށެވެ.“
ކޯޑިފަންގަނޑު ކެނޑުމުން އެ ސަރަހައްދުގައި ތިބި މީހުން ވަނީ އޭނާ ނަގައިގަނެގެން ގޮސް މޫދަށް ލާފައެވެ.
ކޮންމެ އަހަރެްގެ ވެސް ބޮޑު ޢީދުގައި އެންމެ ފޯރި ނަގާ އެއް ވަގުތަކީ ކޯޑި ފަންގަނޑު ރުކަށް ނަގާ ވަގުތައް ވާއިރު މި އަހަރު ވެސް އެ ވަގުތުކޮޅު ފެނިގެން ދިޔައީ ވަރަށް ގަދަ ފޯރިއާ ޖޯށެވެ.
ތަކުރު ހެއްދުމާއި ތަކުރު ނެރުން އޮންނާނީ މާދަމާއެވެ.
