ރ. ވާދޫ މޮނިޓަރިންގައި އޮތް ކަމަށް ބުނެ ދަޢުލަތުގެ މީޑިއާ (ޕީއެސްއެމް) ދޮގު ޚަބަރު ފަތުރި މައްސަލައެއް ފެންމަތި ވެއްޖެއެވެ.
މޮނިޓަރިންގައި އޮތް 14 ރަށެއްގެ ނަން ޕީއެސްއެމް ނިޔުސްގައި ގެނެސްދިން އިރު، ނޫސްވެރިޔާ ވަނީ ރ. ވާދޫގެ ނަން ވެސް ވިދާޅުވެފައެވެ. ”ރ. ވާދޫ އާއި އެ އަތޮޅު މީދޫ“ އޭނާ ވިދާޅުވިއެވެ.
Raa. Vaadhoo was never placed under monitoring due to #COVID19. This is pure false. @tvmaldives @psmnewsmv this can't be right. Check the facts before spreading the news. This is disappointing and I believe Broadcasting Commission will look into this.@broadcomMV @HPA_MV pic.twitter.com/w9vwJc3eYn
— Zidhan Riyaz (@liyaakujjaa) July 22, 2021
މިކަމާއި ގުޅިގެން ޕަބްލިކް ސާވިސް މީޑިއާގެ ރަސްމީ ބަހެއް އަދި ވަނީ ލިބޭ ގޮތް ނުވެފައެވެ. މި މައްސަލަ މިހާރު ވަނީ ބްރޯޑްކާސްޓިން ކޮމިޝަންގެ ސަމާލު ކަމަށް ގެނެސްފައެވެ.
މިކަމާއި ގުޅިގެން ވާދޫގެ ބައެއް ރައްޔިތުން ދަނީ މީސްމީޑިއާގައި ނުރުހުން ފާޅުކުރަމުންނެވެ.
ކޯވިޑް-19 ފެތުރެން ފެށި ފަހުން އަދި މިހާ ތަނަށް ވާދޫ މޮނިޓަރިންގެ ހާލަތަށް ގެނެސްފައި ނުވެއެވެ. އަދި ވާދޫގައި މީހާ ތަނަށް ބަލި ފެތުރިފައެއް ވެސް ނުވެއެވެ.
މި ވަގުތު ވާދޫގައި ކޯވިޑް-19ގެ އެއްވެސް ވޭދަނައެއް ނެތެވެ. ވާދޫން އެންމެ ފަހުން ނެގި ސުންކުތައް ވެސް ވަނީ ބައްޔަށް ނައްސިވެފައެވެ.
