ރ. ވާދޫ ސިއްހީ މަރުކަޒަށް އިތުރުކުރާ އިމާރާތް އެޅުމަށް ބިން ސާފުކުރުމުގެ މަސައްކަތް ފަށައިފިއެވެ.

މި މަސައްކަތް ފަށާފައި ވަނީ އާދީއްތަ ދުވަހުއެވެ. އަދި މި އިމާރާތުގެ މަސައްކަތަށް ބޭނުންވާ ސާމާނު ވާދުއަށ ގެނެސްފައި ވަނީ ހޮނިހިރު ދުވަހުއެވެ.

260,000 ދިވެހި ރުފިޔާ ބަޖެޓްކޮށްފައިވާ މި މަޝްރޫޢުގެ ދަށުން ރ. ވާދޫ ސިއްހީ މަރުކަޒުގައި ސްޓޯރ، ގަރާޖް އަދި ލޯންޑްރީ ހެދުން ކުރިއަށް ދާނެއެވެ.

ކުރެހުން: ވާދޫ ސިއްހީ މަރުކަޒުގެ އެކްސްޓެންޝަން އިމާރާތް

ސަރުކާރުން ވާދޫގައި ކުރިއަށް ގެންދިއުމަށް ބަޖެޓްކޮށްފައިވާ އިތުރު މަޝްރޫޢުތައް:

6,856,470 – ރ. ވާދޫ ފެނާއި ނަރުދަމާ ނިޒާމް ގާއިމުކުރުން. (ކުރިއަށްދަނީ)

2,009,893 – ރ. ވާދޫގައި މިސްކިތް އިމާރާތްކުރުން. (ކުރިއަށްދަނީ)

1,600,000 – ރ. ވާދޫ ސްކޫލް 2 ބުރި އިމާރާތް. (ކުރެހުން ފައިނަލްކުރެވި، ބިޑްކުރުމަށް ތައްޔާރުވަނީ)

3,500,000 – ރ. ވާދޫގައި ފުޓްބޯޅަ ދަނޑު އެޅުން. (ރޭވިފައި)

1,000,000 – ރ. ވާދޫ ގޮނޑުދޮށް ހިމާޔަތްކުރުން. (ބިޑްކުރުމަށް ތައްޔާރުވަނި)