ރ. ވާދޫ އިން މީދާ މަދުކުރުމަށްޓަކައި ފެށި މީދާ ހިފުމުގެ މުބާރާތުގެ ފުރަތަމަ ދުވަހު މުބާރާތުގެ ބައިވެރިން ޖުމުލަ 32 މީދާ ހިފައިފިއެވެ.
މި މުބާރާތުގައި ޓީމު ހަދައިގެން 5 ފަރާތަކުން ބައިވެރިވެފައި ވާއިރު، 2 މީހަކު ވަނީ އަމިއްލަ ގޮތުން ބައިވެރިވި ވެފައެވެ.
ފުރަތަަމަ ދުވަހު އެންމެ ގިނަ މީދާ ހިފާފައި ވަނީ އިބްރާހިމް ނައީމްގެ ”ދެ ނައީމް އެންޑް ކޯ“ ޓީމުންނެވެ. އެ ޓީމުން 24 މީދާ ހިފާފައި ވާއިރު، 3 މީދާ ހިފައިގެން 2 ފަރާތަކުން ވަނީ ދެ ވަނައަށް ގޮސްފައެވެ. އެއީ ގިނިކަންޏާ ވާދަކުރި ހަސަން މުސްލިމް އާއި އަނީސާ ޒަކަރިއްޔާގެ ”އަވަށު“ ޓީމެވެ. ފުރަތަަމަ ދުވަހުގެ 3 ވަނަ ވެސް ދެ ފަރާތަކަށް ލިބިފައި ވެއެވެ. އެއީ އެންމެ މީދަލެއް ހިފުނު އަހުމަދު މަޖީދުގެ ”ހޭބަލި“ ޓީމާއި އަބްދުލް މަޖީދުގެ ”ވީރު“ ޓީމެވެ.
މި މުބާރާތުގައި ހިފާ މީދާ ނައްތާލާނީ ރަށުގެ ވަކި ސަރަހައްދެއްގައި ވަޅުލައިގެން ރައްކާތެރިކަމާއެކު ކަމަށް ވާދޫ ކައުންސިލުން ބުނެއެވެ.
މި މުބާރާތުގައި އެންމެ ގިނަ މީދާ ހިފޭ މީހަކަށް ނުވަތަ ޓީމަކަށް 3000 ރުފިޔާ، 2 ވަނައަށް 2000 ރުފިޔާ އަދި 3 ވަނައަށް 1000 ރުފިޔާގެ ފައިސާގެ އިނާމެއް ލިބޭނެއެވެ.
