1445 ވަނަ އަހަރުގެ ރަމަޟާންމަސް ފެށުނުއިރު ވާދޫ ސްކޫލްގެ މުވައްޒަފުންނަށް ރޯދަ އިނާޔަތް ޖަމާނުކުރާކަން މި ނޫހަށް އެނގިއްޖެއެވެ.
ރ. ވާދޫ ސްކޫލްގެ އެކިއެކި މުވައްޒަފުން ވަނީ މިކަން ރ. ވާދޫ ލައިވްއަށް ކަށަވަރުކޮށްދީފައެވެ.
ވާދޫ ސްކޫލްގެ އޮފިޝަލަކު ވިދާޅުވި ގޮތުގައި، ރޯދަ އިނާޔަތް ޖަމާކުރުމަށް އެ ސްކޫލުން ފޮނުވަންޖެހޭ ހުރިހާ ލިޔެކިޔުމެއް ވަނީ ފޮނުވާފައެވެ.
އެ ސްކޫލްގެ މުވައްޒަފުންގެ ރޯދަ އިނާޔަތް ލަސްވާ ސަބަބެއް ސާފުނުވާއިރު، މިކަމާ ގުޅިގެން މިނިސްޓްރީ އޮފް އެޑިޔުކޭޝަންގެ ބަހެއް އަދި ނުލިބެއެވެ.
