ހައްޖުގެ އަޅުކަން އަދާ ކުރުމަށް މައްކާއަށް ދިޔަ ދިވެއްސަކު ނިޔާވެއްޖެއެވެ.
މިނިސްޓްރީ އޮފް އިސްލާމިކް އެފެއާޒުން ބުނީ، ނިޔާވެފައިވަނީ ރ. ހުޅުދުއްފާރު، ހަފީޒީހިޔާ، ފާތިމަތު ހަފީޒާ (80އ.) ކަމަށެވެ.
ހަފީޒާ ނިޔާވެފައިވަނީ ރޭގެ ވަގުތެއްގައި ކަމަށާއި މަރްހޫމާގެ މައްޗަށް ކަށު ނަމާދު ކުރުން އޮންނާނީ މަސްޖިދުލް ޙަރަމްގައި ކަމަށް މިނިސްޓްރީން ބުންޏެވެ.
ހައްޖުގެ އަޅުކަމަށް ގޮސް އުޅެނިކޮށް ހަފީޒާ ނިޔާވި ނަމަވެސް، އެކަމާއި ގުޅޭ އިތުރު ތަފްސީލެއް މިނިސްޓްރީން ހާމަކޮށްފައެއް ނުވެއެވެ.
ހަފީޒާ ހައްޖުގެ އަޅުކަން އަދާކުރަން ދިޔައީ އެއްބަނޑު މީހަކާއި ކުއްޖަކާ އެކުއެވެ.
މި އަހަރުގެ ހައްޖުގެ އަޅުކަމަށް ދިޔަ ދިވެއްސަކަށް ހާޓްއެޓޭކެއް ޖެހިގެން ވެސް އަންނަނީ ފަރުވާދެމުންނެވެ. އޭނާގެ ހާލު ރަނގަޅުވަމުންނެވެ.
މި އަހަރު ރާއްޖެ އަށް ވަނީ 1،150 ހައްޖު ކޯޓާ ލިބިފައެވެ. އެ އެންމެން ވެސް މިހާރު ތިބީ ސައުދީގައެވެ.
މި އަހަރުގެ ހައްޖު ދުވަހަކީ ނުވަތަ އަރަފާތު ދުވަހަކީ އަންނަ ހޮނިހިރު ދުވަހެވެ.
ހައްޖުގެ އަޅުކަން އަދާކުރަން މައްކާއަށް އައި ދިވެހި ހާޖީއެއްކަމުގައިވާ، ފާޠިމަތު ޙަފީޒާ (80އ) ހަފީޒީހިޔާ. ރ. ހުޅުދުއްފާރު، ރޭގެ ވަގުތެއްގައި ވަނީ ނިޔާވެފަ. މަރްހޫމާގެ މައްޗަށް ކަށު ނަމާދު ކުރުން އޮންނާނީ މަސްޖިދުލް ޙަރަމްގަ. إنا لله وإنا إليه راجعون.
