އިސްލާމިކް ޔުނިވަސިޓީގެ ދަރިވަރުންގެ ގުޅުން (އައިޔޫއެމްއެސްޔޫ)ގެ ހިންގާ ކޮމިޓީގައި ރ. ވާދޫއަށް ނިސްބަތްވާ ޒުވާނަކު ހިމެނިއްޖެއެވެ.

އައިއެމްޔޫއެސްޔޫގެ ހަވަނަ އެކްސްކޯގައި ހިމެނޭ ވާދޫއަށް ނިސްބަތްވާ ޒުވާނަކީ ރިފްޤާ މުޙައްމަދެވެ. އޭނާއަކީ އެ ކޮމިޓީގެ އެޑްމިން ސެކްރެޓަރީއެވެ. މަގާމުގެ ގޮތުން ރިފްޤާގެ ޒިންމާއަކަށް ވާނީ އިދާރީ ކަންކަން ފުރިހަމަކޮށް ކުރިއަށް ގެންދިއުމެވެ.

އައިޔޫއެމްއެސްޔޫގެ ހަވަނަ ދައުރުގެ ހިންގާ ކޮމިޓީ އިޢުލާންކޮށްފައިވާއިރު އެ ކޮމިޓީގެ ރައީސްކަމުގެ ދެވަނަ ދައުރަކަށް ހޮވިފައިވަނީ ހުޞައިން އަރުބާން ފައްވާޒެވެ. އެ ޔުނިވާސިޓީގެ ތާރީޚުގައިވެސް ރައީސްކަމުގެ ދެވަނަ ދައުރަކަށް މީހަކު އިންތިޚާބުކުރި މިއީ ފުރަތަމަ ފަހަރެވެ.

އިތުރު މަޤާމުތައް:

• ނައިބު ރައީސް – އަޙްމަދު ނަޒީޙް
• އޮގަނައިޒިން ސެކްރެޓަރީ – ހާޠިމް އަބްދުއްރަޙްމާން
• ވައިސް އެޑްމިން ސެކްރެޓަރީ – ރާއިދާ އަޚްމަދު ޟާމިރް
• ވައިސް އޮގަނައިޒިން ސެކްރެޓަރީ – މަރްޔަމް މިންހާ އިބްރާހީމް
• އެކަޑަމިކް ސެކްރެޓަރީ – އަމިނަތު ދީނާ ރަޝީދު
• ސްޕޯޓްސް ސެކްރެޓަރީ – ނަވީން އާދަމް
• ވައިސް އެކަޑަމިކް ސެކްރެޓަރީ – އަނަސް ޢަބްދުﷲ
• ވައިސް ސްޕޯޓްސް ސެކްރެޓަރީ – އާޔާ މުޙައްމަދު އިދުރީސް
• ހަޒާންދާރު – މަޝާ މޫސާ
• މީޑިއާ ކޯޑިނޭޓަރު – އިބްރާހީމް ނަބީޙް އިސްމާއިލް

އިސްލާމިކް ޔުނިވަސިޓީގައި މަތީ ތަޢުލީމު ހާސިލުކުރުމުގެ ކުރިން ރިފްޤާ ވަނީ ރ. ހުޅުދުއްފާރު ސްކޫލުން މަތީ ޘާނަވީވެސް ފުރިހަމަކޮށްފައެވެ.

ރ. ވާދޫ ސްކޫލުން ޘާނަވީ ފުރިހަމަކުރި ރިފްޤާ ވަނީ އިސްވާރެއްގެ ގޮތުގައި ސްކޫލް ދައުރުގައިވެސް އޭނާގެ ލީޑަރޝިޕް ދައްކާފައެވެ.

ވާދޫ ސްކޫލް ނިންމާލިއިރު އޭނާ ހުރީ ސްކޫލް ކެޕްޓަންގެ މަގާމުގައެވެ.

ހުޅުދުއްފާރު ސްކޫލުގައި ޔަންގު ލީޑަރެއްގެ ގޮތުގައި ވެސް އޭނާ ހަރަކާތްތެރިވިއެވެ. ހުޅުދުއްފާރު ސްކޫލްގައި އޭނާވަނީ ޔަންގު ލީޑަރުންގެ ހަޒާންދާރުކަންވެސް ކޮށްފައެވެ.

ރާއްޖޭގެ ކޮލެޖް/ ޔުނިވަސިޓީތަކުގެ ދަރިވަރުންގެ ގުޅުންތަކުގެ ހިންގުމުގެ ތެރޭގައި ރ. އަތޮޅަށް އަދި ވާދޫއަށް ނިސްބަތްވާ މީހުން މިފަހުން ކޮންމެވެސް ވަރަކަށް އަންނަނީ ޝާމިލުވަމުންނެވެ.

2018 ވަނަ އަހަރު މިއާންޒް އިންޓަނޭޝަނަލް ކޮލެޖް – (އެމް.އައި ކޮލެޖް)ގެ ދަރިވަރުންގެ ޖަމްޢިއްޔާގެ ރައީސްކަންވެސް ކޮށްފައިވަނީ ވާދޫގެ ޒުވާނެކެވެ. އެއީ ނޫސްވެރިޔާ، ޒިދާން މުޙައްމަދުއެވެ.

މީގެއިތުރުން ފާހަގަކޮށްލަންޖެހޭ ގޮތުގައި އައިޔޫއެމްއެސްޔޫގެ އޮގަނައިޒިން ސެކްރެޓަރީ – ހާޠިމްއަކީ މިއަތޮޅު (ރ. އަތޮޅު) އިނގުރައިދު އަށް ނިސްބަތްވާ ޒުވާނެކެވެ.