ނޫސްވެރިޔާ ޒިދާން މުޙައްމަދު ކުރިއަށްގެންދާ ”21 ވަނަ ގަރުނުގެ މީޑިއާ – ހޭލުންތެރިކަން އިތުރުކުރުމުގެ ޕްރޮގްރާމް“ގެ ސެޝަންއެއް މިއާންޒް ކޮލެޖުގައި ކުރިއަށް ގެންގޮސްފިއެވެ.
މިއީ ނޫސްވެރިކަމާއި ޚަބަރު ފެތުރުމާ ގުޅޭ ގޮތުން އާންމުން ހޭލުންތެރިކުރުވުމަށް ކުރިއަށްގެންދާ ޕްރޮގްރާމެކެވެ. މީގެ ކުރިން، ކ. އަތޮޅު ސްކޫލާއި، ޢަރަބިއްޔާ ސްކޫލް، އުނގޫފާރު ސްކޫލްގައި ވެސް ”21 ވަނަ ގަރުނުގެ މީޑިއާ – ހޭލުންތެރިކަން އިތުރުކުރުމުގެ ޕްރޮގްރާމް“ގެ ސެޝަންތައް ވެސް ކުރިއަށް ގެންދިޔައެވެ.
މި ސެޝަންތަކުގައި މައުލޫމާތު ހިއްސާކޮށްފައި ވަނީ އަސްލު ޓީވީގެ ސީނިއަރ ވީޑިއޯ ޖާނަލިސްޓް، އަދި ވާދޫ ލައިވްގެ ފައުންޑަރ ޒިދާން މުޙައްމަދުއެވެ.
ދުވަސް ނޫހުން ނޫސްވެރިކަމުގެ ދާއިރާއަށް ނުކުތް ޒިދާން މުޙަައްމަދަކީ 2017 ވަނަ އަހަރުން ފެށިގެން މެދުކެނޑުމެއް ނެތި ނޫސްވެރިކަމުގެ ދާއިރާގައި ހަރަކާތްތެރިވާ ތަޖުރިބާ ހުރި ނޫސްވެރިއެކެވެ. ދާއިރާއަށް މީހުން ހޭލުންތެރިކުރުވުމަށް ގިނަ މަސައްކަތްތަކެއް އޭނާ ދަނީ ކުރަމުންނެވެ.
