ފެނަކަ ކޯޕަރޭޝަންގެ ރ. ވާދޫ ގޮފީގެ އައު އިންޖީނުގެ އިމާރާތް ކުރުމުގެ މަސައްކަތް ކޮންޓްރެކްޓް އުޞޫލުން ކޮށްދޭނެ މީހުން ހޯދުމަށް އިއުލާންކޮށްފިއެވެ.
އެ ކުންފުނިން ކުރި އިއުލާނެއްގައި ބުނީ ފެެެނަކައިގެ ރ. ވާދޫ ބްރާންޗްގެ އައު އިންޖީނުގެ އިމާރާތް ކުރުމުގެ މަސައްކަތް ކުރުމަށް (6 މަސް ދުވަހަށް) 9 މީހުން ހޯދުމަށް ބޭނުންވާ ކަމަށެވެ.
ފެނަކައިން ބުނީ މަސައްކަތް ކުރާ ފަަރާތްތަކަށް ދެފަރާތުން އެއްބަސްވާ ގޮތެއްގެ މަތިން މުސާރަ ދެވޭނެ ކަމަށާއި މި ކަމަށް އެދި ހުށައަޅާ މީހުންނަށް މަސައްކަތުގެ ތަޖުރިބާ ލިބިފައި ވާންޖެހޭނެ ކަމަށެވެ.
މީގެ އިތުރުން ސިއްހަތު ރަނގަޅު ބުރަ މަސައްކަތް ކުރެވޭނެ ފަރާތެއް ކަމުގައިވުމާއި ބައެއް ހާލަތްތަކުގައި ރޭގަނޑުގެ ވަގުތުތަކުގައާއި ބަންދު ދުވަސްތަކުގައި މަސައްކަތް ކުރެވޭނެ ފަރާތެއް ކަމުގައިވުމުގެ އިތުރުން ގިނަ ވަގުތު މަސައްކަތުގައި އުޅެވޭނެ ފަރާތެއް ކަމުގައިވާން ޖެހޭނެ ކަމަށް އެ ކުންފުނިން ބުނެފައި ވެއެވެ.
އިއުލާންގައި ބުނީ، މަސައްކަތް ކުރާ ފަރާތްތަކުން ސްޕަވައިޒަރގެ އިރުޝާދުގެ ދަށުން ހަވާލު ކުރެވޭ މަސައްކަތްތައް ކުރަން ޖެހޭނެ ކަމަށެވެ.
ވަޒީފާއަށް އެދި ހުށަހަޅާ އެޕްލިކޭޝަން ފޯމް އެ ކުންފުނީގެ ހެޑް އޮފީހުންނާއި (ޕޯޓް ކޮމްޕްލެކްސް، 7 ވަނަ ފަންގިފިލާ) ރ.ވާދޫ ބްރާންޗްއިން ރަސްމީ ދުވަސްތަކުގެ 09:00 – 12:00 އަށް ލިބެންހުންނާނެއެވެ. ވަޒީފާއަށް އެދި ހުށަހަޅާ ފަރާތްތަކުގެ ތެރޭގައި ޝަރުތު ހަމަވާ ފަރާތެއް ނެތްނަމަ އިންޓަރވިއުއާއި، ތަޢުލީމީ ފެންވަރަށާއި މަސައްކަތު ތަޖުރިބާއަށް ބަލައި، އެންމެ އެކަށީގެންވާ ފަރާތަކަށް ވަޒީފާ ހަމަޖައްސައި ދެވޭނެ ކަމަށް ފެނަކަ ކޯޕަރޭޝަންގެ އިއުލާންގައި ބުނެފައިވެއެވެ.
މި ކަމަށް ޝައުޤުވެރިވެލައްވާ ފަރާތްތަކުން 10 މާރިޗު 2021 ވާ ބުދަ ދުވަހުގެ 12:00ގެ ކުރިން ފެނަކައިގެ ރ.ވާދޫ ބްރާންޗަށް އެޕްލިކޭޝަން ފޯމާއިއެކު ސީ.ވީ، އައިޑެންޓިޓީ ކާޑުގެ ކޮޕީ، ތަޢުލީމީ ސެޓްފިކެޓްތަކުގެ ކޮޕީ އަދި 3 މަސް ނުވާ ޕޮލިސް ރިޕޯރޓް ހުށައެޅުމަށް އިއުލާންގައި އެދިފައި ވެއެވެ.
އެޕްލިކޭޝަން ފޯމާއެކު ހުށަހަޅާ ލިޔެކިޔުންތަކުގެ ކޮންމެ ގަނޑެއްގެ ކަނާތްފަރާތުގެ ތިރީ ކަނުގައި ވަޒީފާއަށް ހުށައަޅާ ފަރާތުގެ އިނގިލީގެ ނިޝާން އަދި އިނީޝިއަލް ސޮއި ޖެއްސެވުމަށް ވެސް ފެނަކައިން އެދެއެވެ.
