ލާމަރުކަޒީ ނިޒާމު ފެށުނީއްސުރެ ރ.ވާދޫ ކައުންސިލްގައި ރައީސްގެ މަގާމު ފުރުއްވަމުން އަންނަ ހުސައިން ޢަލީ އެ މަގާމަށް އަނެއްކާ ވެސް އިންތިޚާބުވެއްޖެއެވެ.
ވާދޫ ކައުންސިލްގެ ރައީސް ހުސެއިން އެ މަގާމަށް އަލުން އިންތިޚާބުވީ އިއްޔެ ބޭއްވި ލޯކަލް ކައުންސިލްތަކުގެ އިންތިޚާބުގައި އެމްޑީޕީގެ ކެނޑިޑޭޓް ޢަލީ ނަސީމާ ވާދަކޮށެވެ.
ލާމަރުކަޒީ ނިޒާމު ފެށުނީއްސުރެ ރ.ވާދޫ ކައުންސިލްގައި ޕީޕީއެމްގެ ސާފު މެޖޯރިޓީ އޮވެއެވެ. ނަމަވެސް މި ފަހަރުގެ އިންތިޚާބުގައި ކުރިއާ އަޅާބަލާއިރު ވާދޫގައި ޕީޕީއެމްއަށް ވޯޓުދިން މިންވަރު ނިސްބަތުން މަދެވެ.
ހުސެއިން ޢަލީ އަދި ޕީޕީއެމްގެ ކެންޑިޑޭޓުން ކުރި ހޯދީ ރަށުން ބޭރުގައި ބެހެއްޓި ފޮށިތަކުގެ ނަތީޖާ ރަނގަޅުކޮށްގެނެވެ. ވާދޫގައި ހުރި ފޮށިން ކުރީގައި އޮތީ އެމްޑީޕީއެވެ.
