ކޯވިޑް:19 ފެތުރެމުން ދާތީ ރައްކާތެރިވުމުގެ ގޮތުން ރ. ވާދުއަށް މުދާ އުފުލާ ”ރަސްރީތި“ ބޯޓުން ފިޔަވަޅުތަކެއް އަޅައިފިއެވެ.
މާލެއިން ވާދުއަށް މުދާ އުފުލައި 3 ބޯޓުގެ ތެރެއިން އެންމެ ބޮޑު ބޯޓު ”ރަސްރީތި“ގެ ވައިބަރ އޮޅީގައި ބުނެފައިވާ ގޮތުން، މާލެއިން ބޯޓަށް ތަކެތި ހިފައިގެންދާ މީހުނަށް ބޯޓަކަށް ނޭރޭނެއެވެ. އަދި ބޯޓުގެ ފަޅުވެރިން ހިމެނޭ ގޮތަށް އެއްވެސް މުވައްޒަފަކަށް މާލޭގައި ބޯޓު ބަނދަރުކޮށްފައި އޮންނަ ވަގުތުތަކުގައި ބަނދަރު ސަރަހައްދުން ބޭރަށް ނުކުތުމަކީ މަނާ ކަމެކެވެ.
މި އުސޫލުތަކާއި ޚިލާފުވާ ފަރާތަތްތަކާ މެދު ފިޔަވަޅު އަޅާނެ ކަމަށް ބޯޓުގެ އިސްވެރިން ބުނެފައި ވެއެވެ. މި ނިންމުމާއި ގުޅިގެން ގިނަ ބަޔަކަު ވަނީ މަރުޙަބާ ކިޔާފައެވެ. މީގެ ތެރޭގައި ޞިއްޙި ޚިދުމަތްތެރިން ހިމެނެއެވެ.
”ރަސްރީތި“ ބޯޓަކީ ރ. އަތޮޅުގެ އުތުރުން މާލެ ދަތުރުކުރާ އެންމެ ބޮޑު ބޯޓެވެ. މި ބޯޓުގެ ދިގުމިނުގައި 93 ފޫޓު ހުރެއެވެ. މިއީ ރ. ރަސްގެތީމު ބޯޓެކެވެ،
