ގައުމީ ގަދަ 10ގައި ހިމެނި، އަތޮޅު ސްކޫލްގެ 4 ދަރިވަރަކު މުޅި ރ. އަތޮޅު ފަޚުރުވެރިކޮށްދީފި އެވެ.
ރ. ދުވާފަރުގައި ހުންނަ ރ. އަތޮޅު ސްކޫލްގައި ޖީސީއީ އޯލެވެލް އަދި އެސްއެސްސީ އިމްތިޙާން ހެދި ދަރިވަރުންގެ ތެރެއިން 4 ދަރިވަރަކު ގައުމީ ގަދަ 10ގައި ހިމެނިއްޖެއެވެ.
ރާއްޖޭގައި އާންމުކޮށް އޯލެވެލް އިމްތިޙާން ހަދަނީ އޮކްޓޯބަރު/ނޮވެމްބަރު ގައެވެ. ނަމަވެސް ކޯވިޑް-19 އާއެކު މިދިޔަ އަހަރުގެ އިމްތިޙާން މި އަހަރުގެ މެއި/ ޖޫން އަށް ވަނީ ފަސްކޮށްފައެވެ.
2021، މެއި/ ޖޫންގެ ނަތީޖާއާއެކު ގައުމީ ގަދަ 10ގައި ހިމެނުނު ރ. އަތޮޅު ސްކޫލްގެ ދަރިވަރުން:
- އަބްދުﷲ ފިރުޒާން އަޙުމަދު (ގަދަ 10ގެ ދެ ވަނަ)
- ފާތިމަތު އިބާ (ގަދަ 10ގެ 7 ވަނަ)
- ޢީސާ އަރުސަލާން ހަސަން (ގަދަ 10ގެ 9 ވަނަ)
- އައިޝަތު ސޮއިމާ އިބްރާޙިމް (ގަދަ 10ގެ 10 ވަނަ)
މި އަހަރު ރާއްޖޭގެ 235 ސެންޓަރެއްގައި 5955 ދަރިވަރުން އޯލެވެލް އިމްތިޙާން ވަނީ ހަދާފައެވެ.
A very warm Congratulations to our Brave students who excelled with flying colors in such a difficult period of time. #RaaAtollSchool #OlevelResult2021 @aisthly pic.twitter.com/0LFRAHoe8P
— Zidhan Riyaz (@liyaakujjaa) August 12, 2021
އެޑިޓަރުގެ ނޯޓު: މި އަހަރު ކުރިއަށް ދިޔަ އޯލެވެލް އިމްތިޙާންގައި ރ. އަތޮޅު ސްކޫލުން ރަނގަޅު ނަތީޖާ ނެރުނު ދަރިވަރުންނަށް ތަޙުނިޔާ. ޙާއްސަކޮށް މުޅި ރ. އަތޮޅު ފަޚުރުވެރިވާ ފަދަ ނަތީޖާއަކާއެކު ގައުމީ ގަދަ 10ގައި ހިމެނުނު ދަރިވަރުންނަށް ރ. ވާދޫ ލައިވް އަދި ރ. ވާދޫ ރައްޔިތުންގެ ނަމުގައި ވަރަށް ބޮޑަށް ތަޙުނިޔާ ދަންނަވަން. ތިޔަ ދަރިވަރުންނަށް އިތުރު ކާމިޔާބީ އަދި ފާގަތި މުސްތަޤުބަލަކަށް އެދެން.
