އެންވަޔަރަންމަންޓަލް އިމްޕެކްޓް އެސެސްމަންޓް (އީއައިއޭ) މަރުހަލާ ފުރިހަމަނުކޮށް ރ. ރަސްގެތީމާއި ރ. ކިނޮޅަސް ހިމެނޭހެން 21 ރަށެއްގެ އިންޖީނުގެ އެޅުމުގެ މަޝްރޫއުގެ މަސައްކަތްކޮށްފައިވާތީ އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕިއޭ)އިން ފެނަކަ ކޯޕަރޭޝަން ޖޫރިމަނާކޮށްފިއެވެ.
ފެނާއި ކަރަންޓަށް ހާއްސަ ސަރުކާރުގެ ކުންފުނިން، ތިމާވެއްޓަށް އަސަރު ފޯރާނެ މިންވަރު ބަޔާންކުރާ ރިޕޯޓް ނުހަދާ އިންޖީނުގެތަކެއްގެ މަސައްކަތްކޮށްފައިވާތީ، ޖޫރިމަނާކުރީ 4.2 މިލިއަން ރުފިޔާއިންނެވެ.
ޕީއޭ އިން ބުނީ ފެނަކައިން އީއައިއޭ މަރުޙަލާ ފުރިހަމަނުކޮށް 21 ރަށެއްގެ އިންޖީނުގެ އެޅުމުގެ މަޝްރޫއުގެ މަސައްކަތް ފެށުމާއި ގުޅިގެން އެ މައްސަލަ އެ އެޖެންސީން ބަލާފައިވާ ކަމަށެވެ.
މި މައްސަލައާ ގުޅިގެން އެއްކުރެވުނު މަޢުލޫމާތުންނާއި، ދެފަރާތް ދެމެދު ބަދަލުކުރެވިފައިވާ ލިޔެކިޔުންތަކަށް ރިޢާޔަތްކުރުމުން އީއައިއޭ މަރުޙަލާ ފުރިހަމަނުކޮށް 21 ރަށެއްގެ އިންޖީނުގެ އެޅުމުގެ މަޝްރޫއުގެ މަސައްކަތް އީއައިއޭ މަރުޙަލާ ފުރިހަމަ ކުރުމަކާ ނުލައި އެ ކުންފުނިން ފަށާފައިވާކަން ޔަގީން ކުރެވިފައިވާ ކަމަށް އީޕީއޭ އިން ބުނެއެވެ.
އީއައިއޭ ފުރިހަމަ ނުކޮށް ފެނަކައިން ކުރިއަށް ގެންދިޔަ މަޝްރޫއުތައް:
- ރ. ރަސްގަތީމުގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ރ. ކިނޮޅަހުގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ހދ. ފިނޭގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ހއ. އުލިގަމު ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ހއ. އުތީމު ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ގދ. މާވަރުލުގައި ފެނާއި ނަރުދަމާ އަދި އިންޖީނުގެ އެޅުމުގެ މަޝްރޫއު
- ށ. ފޭދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ށ. މާއުނގޫދޫގައި ހުރި އިންޖީނުގެ އިތުރަށް ތަރައްޤީކުރުން
- ހއ. ދިއްދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ރނ. ކެނދިކުޅުދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ހއ. މުރައިދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ށ. ކޮމަންޑޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ނ. ފޮއްދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ޅ. ކުރެންދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ހދ. ކުޅުދުއްފުށީގައި ހުރި އިންޖީނުގެ އިތުރަށް ތަރައްޤީކުރުން
- ހދ. ކުމުންދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ދ. މީދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ލ. މާބައިދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ހއ. މޮޅަދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ގދ. ރަތަފަންދޫގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
- ގއ. ވިލިނގިލީގައި ހުރި އިންޖީނުގެ ރަށުގެ އެހެން ސަރަހައްދަކަށް ބަދަލުކުރުން
ރަސްގެތީމު އަދި ކިނޮޅަހު އައު އިންޖީނުގޭގެ މަސައްކަތް ނިމި، ރައީސް އިބްރާހީމް މުޙައްމަދު ވަނީ ނިންމުން ފާހަގަކުރައްވާފައެވެ. އަދި އެ ދެ ރަރަށް މިހާރު ކަރަންޓުދެނީ އަވަށާ ދުރުގައި އަލަށް އިމާރާތްކުރި އިންޖީނުގޭންނެވެ.
Leave a Reply