މިހާރު ކުރިއަށްދާ ސޮނީ ސްޕޯޓްސް ގޯލްޑަން ފުޓްސަލް ޗެލެންޖު 2024 ގެ އަތޮޅު ބުރުގައި ރ. އަތޮޅުގެ ފައިނަލް މެޗް ދުވާފަރުން ކާމިޔާބުކޮށް އަތޮޅު ޗެމްޕިއަންކަން ހޯދައިފިއެވެ.

ހުޅުމާލޭ ރެހެންދި ފުޓްސަލް ޓާފް ދަނޑުގައި ކުޅުނު މިމެޗްގައި ދުވާފަރުން ބައްދަލުކުރީ އަލިފުއްޓާއެވެ.

މި މެޗް ދުވާފަރުން ކާމިޔާބުކުރީ 3 – 0 ގެ ނަތީޖާއަކުންނެވެ.

މި މެޗްގައި ދުވާފަރުން ގޯލްތައް ޖެހީ ރޮނާ އަދި އީސައެވެ.

ފާހަގަކޮށްލަންޖެހޭ ގޮތުގައި މިމުބާރާތުގައި މިދިޔަ އަހަރުގެ ރ. އަތޮޅު ޗެމްޕިއަންއަކީ އިނގުރައިދޫއެވެ.

ނަމަވެސް އޭގެ ކުރިން 2016 އަދި 2022 ވަނަ އަހަރު ދުވާފަރުން ވަނީ ޗެމްޕިއަންކަން ހޯދާފައެވެ.