ހެޔޮއެދޭ އަމިއްލަ ފަރާތަކުން ޙައްޖުގެ މަތިވެރި އަޅުކަން އަދާކުރުމަށް ދެވިފައިވާ ފުރުޞަތުގައި ރ.ވާދޫއިން ޙައްޖަށް ދިއުމަށް ގުރުއަތުން ހޮވިފައިވަނީ އުއްމިއްޔާ ޢަބްދުއް ރަހީމް، އެހީ / ރ.ވާދޫ
މިއީ މަޝްހޫރު ވިޔަފާރިވެރިޔާ ރ. ކިނޮޅަހު އޯޝަންވިލާ، ހާމިދު އިސްމާޢިލް (ހާމިދު ސޭޓު)ގެ އަމިއްލަ ޙަރަދުގައި ރ. އަތޮޅުގެ ކޮންމެ ރަށަކުންވެސް އެކަކު ހައްޖުގެ މަތިވެރި އަޅުކަން ކުރުމަށް ފޮނުވުމަށް ނިންމި ނިންމުމާ ގުޅިގެން ވާދޫ ކައުންސިލުން ކުރިއަށްގެންދިޔަ ގުރުއަތުލުމުން ހޮވިފައިވާ ފަރާތެވެ.
ޙައްޖަށް ގެންދާނެ ފަރާތެއް ކަނޑައެޅުމުގެ މަސައްކަތް ރަށު ކައުންސިލްތަކާއި ހަވާލުކޮށްފައިވާއިރު، ކައުންސިލްތަކުން މިހާރު އަންނަނީ އެ މަސައްކަތްކުރަމުންނެވެ.
މި ފުރުސަތު ހުޅުވާލާފައިވަނީ އުމުރުން ސާޅީސް އަހަރުން މަތީގެ މާލީ ތަނަވަސްކަން ނެތުމުގެ ސަބަބުން ޙައްޖުގެ މަތިވެރި އަޅުކަން އަދާ ކުރެވިފައިވާނުވާ ފަރާތްތަކަށެވެ.
ހާމިދު ސޭޓަކީ ދީނީ މިފަދަ ކަންކަމަށް ގިނަ ހޭދަތަކެއް ކުރައްވާ ފަރާތެއްކަން ފާހަގަކޮށްލެވެއެވެ.
