ރ. އިނގުރައިދޫ ސްކޫލުގެ ހަތަރު ބެލެނިވެރިއެއްްގެ ޚަރަދުގައި ތަރައްޤީ ކުރި ނަމާދުގެ ހުޅުވައިފިއެވެ.
ހަތަރު ބެލެނިވެރިއެއްގެ ޚަރަދުގައި އިނގުރައިދޫ ސްކޫލްގައި ތަރައްޤީ ކުރި މި މިސްކިތުގައި އެއް ފަހަރާ 65 ދަރިވަރުންނަށް ނަމާދު ކުރެވޭނެއެވެ.
މި މިސްކިތް ތަރައްޤީކޮށްފައި ވަނީ އިނގުރައިދޫ ސްކޫލުން ހަވާލުކުރި ޑިޒައިނާއި އެއްގޮތަށެވެ.
މި މިސްކިތް ހުޅުވައިދެއްވީ އެޑިޔުކޭޝަން މިނިސްޓްރީގެ ސްޓޭޓް މިނިސްޓަރު ޑރ. އަޙްމަދު މުޙައްމަދެވެ.
ރީތި މިސްކިތެއް އިނގުރައިދޫ ސްކޫލަށް ހަދިޔާ ކުރެއްވީތީ ހަތަރު ބެލެނިވެރިންނަށް ޝުކުރު އަދާ ކުރައްވާ އިނގުރައިދޫ ސްކޫލުގެ ޕްރިންސިޕަލް ސަޢީދު އިބްރާހިމް ވިދާޅުވީ ދެ ދަންފަޅިއަށް ކިޔަވައިދެމުން ގެންދާއިރު، މިސްކިތެއްގެ ދަތިކަން އެ ސްކޫލަށް އިންތިހާއަށް އޮތް ކަމަށެވެ.
މީގެ ކުރިން ނަމާދު ކުރަން ބޭނުން ކުރަން ޖެހެނީ ކުލާސްރޫމެއް ފަދަ ތަނެއް ކަމަށާއި ނަމަވެސް ދަރިވަރުންނާއި މުވައްޒަފުންނަށް ސްކޫލުގެ ތެރޭގައި މިހާރު ނަމާދު ކުރަން ކުރިން ކުރަމުން އައި ތަކުލީފަށް ނިމުމެއް އައިސްފައިވާ ކަމަށް ސައީދު ވަނީ ވިދާޅުވެފައެވެ.
މިއީ މިސްކިތް ބިނާ ކުރުމުގައި ބައިވެރިވި ހަތަރު ބެލެނިވެރިންގެ އަތުން ފަސްލައްކައެއްހާ ރުފިޔާ ޚަރަދުކޮށްގެން އަހަރަކަށް ވުރެ ގިނަ ދުވަސް ހޭދަކޮށްގެން ތަރައްޤީ ކޮށްފައިވާ މިސްކިތެކެވެ.
މި މިސްކިތް ބިނާކުރުމުގައި ބައިވެރިވެފައިވާ އިނގުރައިދޫ ސްކޫލުގެ 4 ބެލެނިވެރިންނަކީ، މުޙައްމަދު މުސްތަފާ ރަނައުރާގެ، ރ. އިނގުރައިދޫ، ރަފީއު މުހައްމަދުފުޅު ވައިޖެހޭގެ،ރ.އިނގުރައިދޫ، އިލްޔާސް ޢަލީ މިރުސްމާގެ، ރ. އިނގުރައިދޫ، އަޙްސިމް މޫސާ ފީރޯޒް ތ.ކަނޑޫދޫ އެވެ.
