މަދިރި ހަންމަތަކުރަން (ކޮންޓްރޯލްކުރަން) ރ. ވާދޫގައި ދުން އަޅަން (ފޮގްކުރަން) ފަށައިފިއެވެ.

މާޅޮސްމަޑުލު އުތުރުބުރީ ވާދޫ ކައުންސިލުން ބުނި ގޮތުގައި މިއަދުން ފެށިގެން މަދިރި ކޮންޓްރޯލް ކުރުމަށް ރަށުތެރެއަށް ފޮގްކުރުމަށް ވަނީ ހަމަޖެހިފައެވެ.
ފޮގްކުރުން ކުރިއަށް ދާނީ ހަވީރު 5:30 އިން ފެށިގެން 6:45 އާ ދޭތެރޭގެ ވަގުތުތަކުގައެވެ.

ވީމާ، މި ވަގުތު ތަކުގައި ހުރިހާ ރަށްވެހިންވެސް ރައްކާތެރިކަމުގެ ފިޔަވަޅުތައް އެޅުމަށް ވާދޫ ކައުންސިލުން އެދިފައިވެއެވެ.

އަދި ފޮގުކުރުމުގެ އެދެވޭ ނަތީޖާ ފެންނާނީ ގޯތި ތެރޭގައި ހުންނަ މަދިރި އުފެދޭ ތަންތަން ނައްތާލުމުން ކައުގައިވާތީ ފަރުދީ ޒިންމާ ނެންގެވުމަށް އެންމެހާ ފަރާތްތަކަށް ހަނދުމަކޮށްދީފައިވެއެވެ.

މީގެ ކުރިން އޯގަސްޓް މަހުވެސް މަދިރި ކޮންޓްރޯލް ކުރުމަށް ރަށުތެރެ ފޮގްކުރިއެވެ.