ގައުމީ ގަދަ 10ގައި ހިމެނި، ރ. އަލިފުށި ސްކޫލްގެ 4 ދަރިވަރަކު މުޅި އަލިފުށި ރ. އަތޮޅު ފަޚުރުވެރިކޮށްދީފި އެވެ.

ރ. އަލިފުށީގައި ހުންނަ އަލިފުށީ ސްކޫލްގައި ޖީސީއީ އޯލެވެލް އަދި އެސްއެސްސީ އިމްތިޙާން ހެދި ދަރިވަރުންގެ ތެރެއިން 4 ދަރިވަރަކު ގައުމީ ގަދަ 10ގައި ހިމެނިފައިވާކަން އެ ސްކޫލުން ވަނީ ހާމަކޮށްފައެވެ.

ރާއްޖޭގައި އާންމުކޮށް އޯލެވެލް އިމްތިޙާން ހަދަނީ އޮކްޓޯބަރު/ނޮވެމްބަރު ގައެވެ. ނަމަވެސް ކޯވިޑް-19 އާއެކު މިދިޔަ އަހަރުގެ އިމްތިޙާން މި އަހަރުގެ މެއި/ ޖޫން އަށް ވަނީ ފަސްކޮށްފައެވެ.

2021، މެއި/ ޖޫންގެ ނަތީޖާއާއެކު ގައުމީ ގަދަ 10ގައި ހިމެނުނު އަލިފުށީ ސްކޫލްގެ ދަރިވަރުން:

  1. މަރިޔަމް އިޔާލާ އަލީ (ގަދަ 10ގެ ދެ ވަނަ)
  2. މައިހާ އަލީ (ގަދަ 10ގެ 5 ވަނަ)
  3. އާދަމް އަތޫފް (ގަދަ 10ގެ 8 ވަނަ)
  4. އަހުމަދު ފައިނާން (ގަދަ 10ގެ 8 ވަނަ)

މި އަހަރު ރާއްޖޭގެ 235 ސެންޓަރެއްގައި 5955 ދަރިވަރުން އޯލެވެލް އިމްތިޙާން ވަނީ ހަދާފައެވެ.

އެޑިޓަރުގެ ނޯޓު: މި އަހަރު ކުރިއަށް ދިޔަ އޯލެވެލް އިމްތިޙާންގައި އަލިފުށި ސްކޫލުން ރަނގަޅު ނަތީޖާ ނެރުނު ދަރިވަރުންނަށް ތަޙުނިޔާ. ޙާއްސަކޮށް މުޅި ރ. އަތޮޅު ފަޚުރުވެރިވާ ފަދަ ނަތީޖާއަކާއެކު ގައުމީ ގަދަ 10ގައި ހިމެނުނު ދަރިވަރުންނަށް ރ. ވާދޫ ލައިވް އަދި ރ. ވާދޫ ރައްޔިތުންގެ ނަމުގައި ވަރަށް ބޮޑަށް ތަޙުނިޔާ ދަންނަވަން. ތިޔަ ދަރިވަރުންނަށް އިތުރު ކާމިޔާބީ އަދި ފާގަތި މުސްތަޤުބަލަކަށް އެދެން.