ރ. ވާދޫ ސްކޫލް ޕޭރެންޓް ޓީޗަރ އެސޯސިއޭޝަން (ޕީ.ޓީ.އޭ) އިން ޖަންބަލް ސޭލެއް ބާއްވަން ނިންމާފައިވާކަން އިޢުލާންކޮށްފިއެވެ.

ވާދޫ ސްކޫލުން ވަނީ، އެ ސްކޫލްގެ ޕީ.ޓީ.އޭފެ ޖަންބަލް ސޭލަށް ތަކެތި ހަދިޔާކުރަން ބޭނުންވާ ފަރާތްތަކަށް އެ ފުރުސަތު ހުޅުވާލާފައެވެ. ސެޕްޓެމްބަރު މަހުގެ 1 ވަނަ ދުވަހުގެ ނިޔަލަށް ހުޅުވާލި ފުރުސަތުގައި ބަންދު ނޫން ކޮންމެ ދުވަހެއްގެ ހަނދުނު 9:00 އިން މެންދުރުފަހު 1:30 އަށް ތަކެތި ބަލައިގަންނާނެއެވެ. އެނާޖީ ޑްރިންކާއި ހަށިގަނޑަށް ގެއްލުންވާ ޒާތުގެ ކެއުންބުއިމުގެ ބާވަތްތައް ނޫން ކޮންމެ އެއްޗެއްވެސް މިސޭލަށް ހަދިޔާކުރެވޭނެއެވެ.
ވާދޫ ސްކޫލުން ބުނީ ތަކެތި ބަލައިގަންނާނީ ސްކޫލް ލައިބްރެރީން ކަމަށެވެ.
ހިފާ ގެންގުޅޭ ސާމާނާއި އަންނައުނާއި ބަދިގެ ސާމާނުގެ އިތުރުން ފޮތްފަންސުރު ފަދަ ތަކެތިވެސް މިސޭލަށް ހަދިޔާކުރެވިދާނެއެވެ.