މާޅޮސްމަޑުލު އުތުރުބުރީ ވާދޫ ކައުންސިލުން އިންތިޒާމުކޮށްގެން ބާއްވާ މަސްރޭހުގައި ބައިވެރިވުމުގެ ފުރުސަތު މާދަމާ ހަމަވާނެއެވެ.

މިއީ މަސްވެރިންގެ ދުވަހުގެ މުނާސަބަތުގައި ބާއްވާ ރޭހެކެވެ.

 އެ ކައުންސިލުން ބުނި ގޮތުގައި، މަސްވެރިންގެ ދުވަހުގެ މުނާސަބަތުގައި މަސްރޭހެއް ބޭއްވުމަށް އެ ކައުންސިލުން ކުރި ނަންބަރު (IUL)299/299/2024/35 (19 ނޮވެމްބަރ 2024) އިއުލާނާ ގުޅިގެން ގިނަ ޓީމުތަކަކަށް މުބާރާތުގައި ބައިވެރިވުމުގެ ފުރުސަތު ފަހިކޮށްދިނުމުގެ ގޮތުން، ފޯމު ހުށަހެޅުމަށް އެކަށީގެންވާ ވަގުތު ދިނުމަށް އިންތިޒާމް ކޮމެޓީން ވަނީ ނިންމާފައެވެ.

ވީމާ، 2024 ޑިސެމްބަރ 1 ވާ އާދިއްތަ ދުވަހުގެ 13:00ގެ ނިޔަލަށް މުބާރާތަށް އެދި ފޯމު ހުށަހެޅުމުގެ މުއްދަތު އިތުރުކޮށްފައިވާ ކަމަށް ވާދޫ ކައުންސިލުން ބުންޏެވެ. އަދި ހަމައެއާއެކު، ޓީމުގައި ހިމަނާފައިވާ މެމްބަރެއްގެ ބަދަލުގައި އެހެން މެމްބަރަކު ހަމަޖައްސަން ބޭނުންވާނަމަ، 2024 ޑިސެމްބަރ 5 ވާ ބުރާސްފަތި ދުވަހުގެ 13:00ގެ ނިޔަލަށް އެ ފުރުސަތު ހުޅުވާލާފައިވާ ކަމަށްވެސް ވަނީ ބުނެފައެވެ.

މިއިޢުލާނާ ގުޅިގެން އެއްވެސް މަޢުލޫމާތެއް ސާފުކުރަން ބޭނުންވާނަމަ، އެއިދާރާއަށް ހާޒިރުވެގެން ނުވަތަ ވާދޫ ކައުންސިލްގެ އިދާރާގެ ނަންބަރު 4000299 ފޯނަށް ގުޅައިގެން ނުވަތަ info@vaadhoo.gov.mv އަށް މެއިލް ކޮށްގެން މައުލޫމާތު ސާފުކުރުމަށް ވެސް އެދިފައިވެއެވެ.