ރ. ވާދޫ ސްކޫލްގެ 2020 ވަނަ އަހަރުގެ އިނާމް ދިނުމުގެ ޖަލްސާ އަށް ރ. ވާދޫ ސިއްހީ މަރުކަޒުގެ މުވައްޒަފުންގެ ފަރާތުން ފައިސާގެ އެހީއެއް ދީފިއެވެ.
ވާދޫ ސްކޫލުން ބުނީ، އިނާމް ހުށައެޅުމަށް ހުޅުވާލި ފުރުސަތުގައި ސިއްހީ މަރުކަޒުން ދެއްވި ދީލަތި އެހީއަށް ހެލްތު ސެންޓަރުގެ އެންމެހާ މުވައްޒަފުންނަށް ސްކޫލްގެ ފަރާތުން ވަރަށް ހާއްސަ ޝުކުރެއް ދަންނަވާ ކަމަށެވެ.
މި ފައިސާ ހަވާލުކުރެއްވީ ވާދޫ ސިއްހީ މަރުކަޒުގެ ފަރާތުން ވެރިޔާ މުހައްމަދު ޝަފީގެވެ. އަދި ރ. ވާދޫ ސްކޫލްގެ ފަރާތުން ފައިސާއާ ހަވާލުވީ ވާދޫ ސްކޫލްގެ ޕްރިންސިޕަލް އިބްރާޙިމް ނަސީމް އެވެ.
ކޮންމެ އަހަރަކު ވެސް އިނާމް ދިނުމުގެ ޖަލްސާއަށް ވާދޫގެ މުވައްސަސާތަކުން ދަނީ ސްކޫލަށް އެޙިތެރިވުމުގެ ގޮތުން އިނާމް ހުށައަޅަމުންނެވެ. މީހެ އިތުރުން އާންމު ފަރުދުން ވެސް އިނާމް ހުށައަޅާކަން ފާހަގަކޮށްލެވެއެވެ.
ވާދޫ ސްކޫލްގެ އިނާމް ދިނުމުގެ ޖަލްސާގައި ކޮންމެ އަހަރަކު ވެސް ހުރިހާ ގޮތަކުން ސްކޫލުން އެންމެ ފާހަގަކުރެވޭ ދަރިވަރުގެ އިތުރަށް، އެކިއެކި ވަނަ ވަނައަށް ދާ ދަަރިވަރުންގެ އަގު ވަޒަންކޮށް އިނާމް ދޭނެއެވެ.
